黎耀祥昨日以代言人身份出席百佳四十周年活動，祥仔自言是百佳最長壽的代言人，一做四年兼且年年有人工加，他希望再做多四十年代言人，到時為百佳慶祝八十大壽。
祥仔再擔任超市代言人，並透露年年加人工。
三屆視帝黎耀祥昨日在將軍澳以代言人身份出席百佳四十周年活動。長做長有的祥仔連續第四年為百佳擔任代言人，兼且年年有人工加，他受訪時大賣口乖說：「我由細到大都好鍾意同阿媽行百佳，買嘢仲可以消磨時間。我仲係最長壽嘅百佳廣告代言人，希望再做多四十年，到時同百佳慶祝八十周年生日。」
對於和黃擬放售百佳，擔任代言人的祥仔說：「冇影響，廣告都係逐年續約，啱啱3、4月先續完約，新約最快都要出年先傾，轉新公司希望又有人工加，TVB都賣咗盤啦，大公司只係會愈做愈好，唔會有影響嘅。」
祥仔不擔心百佳賣盤，更笑言想做多40年代言人。孝順的祥仔自細最愛與母親逛超市。
遊日享天倫
最近完成新劇拍攝的祥仔忙於搵真銀，昨日即飛往福州出席活動，對於大陸航班經常延誤，他笑謂日後傾合約或者要考慮加入航班延誤酬勞。完成福州登台後祥仔終於可以旅行休息一下，他說：「已經有15年冇正式一家人去過旅行，好期待今次兩個禮拜嘅日本旅行。」
祥仔到日本旅行之後，已經有兩套劇集等待他開工，首先是八月中到天津客串王晶為無綫拍攝的時裝劇，他扮演汪明荃年輕時期的丈夫，其他演員則有劉愷威、蕭正楠等，到九月則返無綫與蘇玉華開另一套新劇，視帝認真唔易做。
from:
http://orientaldaily.on.c ... /00282_016.html
