藝人黎耀祥、蓋鳴暉和關寶慧，昨日聯同編劇杜國威和導演黃樹輝，綵排舞台劇《星海留痕》。席間黎耀祥表示剛在上海完成無綫劇《梟雄》回港，在上海期間已積極唸《星》劇的劇本，他說：「我要同我太太一齊對稿，佢依家可能對全部演員嘅角色仲清楚過我。（有冇困難？）幸好冇將兩劇嘅台詞調亂。」
黎耀祥同時孭兩劇，多得老婆幫忙對稿。
首次演舞台劇的他表示要唱粵曲和時代曲，令他有點緊張，並要向蓋鳴暉請教。對於有報道指他過往在拍劇不用埋位時喜歡賭波，他直言自己不睇波、不踢波和不賭波，不明為何有這些新聞，他說：「又唔會動氣嘅，呢啲新聞只當係大家茶餘飯後話題，嬲都嘥時間。之前都有人話我係唱歌出身，又話我係演藝學院畢業，咁可能我係演藝學院畢業、唱歌出身又鍾意賭波嘅黎耀祥啦！」
蓋鳴暉望舞台劇向世界出發。
蓋鳴暉望加場
同場的蓋鳴暉表示與視帝黎耀祥合作感到開心，今次在港演出暫定十場，希望可以再加場令更多人可以欣賞到，直言向世界演出出發。
而關寶慧表示第二次演出杜國威的劇，當日一接到電話知道有機會演出感到很開心，她表示劇中會唱兩首歌和跳舞，現積極練歌和練舞做足準備。
文：影視組
From:
http://orientaldaily.on.c ... /00282_033.html
