阿Lam林子祥嬲住食飯

1^# 大中小 young 發表於 2013-9-6 15:18 發短消息

相關主題: 林子祥

無綫熱播劇《衝上雲霄II》去到結局篇，雖然林子祥（阿Lam）唱嗰首主題曲俾網友勁彈，但身經百戰嘅阿Lam就懶理是非，前晚7點幾落住大雨，阿Lam約咗朋友食飯敍舊，佢攞住把遮喺銅鑼灣出現，一個人行去開平道意大利餐廳da Domenico，呢晚佢約咗一男一女友人食飯，但就未見老婆葉蒨文（沙麗），唔知沙麗係咪遲到呢！

採訪、攝影：徐錦池、畢紹基
from:http://hk.apple.nextmedia ... 130906/18410941

廷伸閱讀/相關主題推介:

相關主題:林子祥

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2013-11-7 13:41 發短消息

阿Lam孖囝囝開騷

林子祥同趙增熹噚日接受商台訪問，下月21日佢哋會喺澳門威尼斯人舉行音樂會，阿Lam愛兒林德信會同老竇拍住上，音樂會主題亦會係追憶父子情，阿Lam話林德信會唱番自己嘅歌，未必有機會一齊夾歌。阿Lam話𠵱家習慣每日4點半左右起身飲茶同呼吸空氣，仲識啲早起身工作嘅人。自認唔會早起身嘅趙增熹話，冇本事咁早起身同阿Lam識朋友，阿Lam就話會互相逼對方接受新事物。
from:http://hk.apple.nextmedia ... 131107/18496463

TOP

3^# 大中小 young 發表於 2013-12-3 17:49 發短消息

阿Lam父子檔撐R＆K

林子祥、林德信及R&K合唱，配搭新鮮。

林子祥（阿Lam）及乖仔林德信（Alex）前晚到九展力撐Robynn& Kendy（R&K）的音樂會，擔任嘉賓的阿Lam更上台跟她們合唱《三人行》及《Uptown Girl》，Alex亦被捉上台合唱。阿Lam笑言與後生女合唱有壓力，R&K則清唱幾句阿Lam唱的劇集主題曲。完騷後，R&K表示跟阿Lam合唱冇壓力，至於送上劇集主題曲，她們解釋：「我哋之前翻唱放上網，阿Lam經Alex話好聽，所以唱番送畀佢。」
from:http://hk.apple.nextmedia ... 131130/18530109

TOP

4^# 大中小 young 發表於 2014-11-27 10:48 發短消息

阿Lam單拖睇唱片

阿Lam前日去逛唱片舖，卻未見老婆沙麗或紅顏知己阮麗嘉相伴。

林子祥（阿Lam）和葉蒨文（沙麗）結婚17年，多次傳出婚變，早前傳阿Lam和紅顏知己阮麗嘉（Fiona）過從甚密，十足跟得夫人，幫阿Lam騷前騷後打點一切，令正印老婆沙麗地位危危乎。

前日下午6時許，阿Lam飛起身邊所有女人，單拖去銅鑼灣行街，阿Lam入了HMV看唱片，雖被途人認出，但阿Lam沒有理會，還看了一會兒有甚麼新戲DVD，但揀了約十分鐘仍未有心水，最後空手離開。之後阿Lam行去栢寧酒店，似是約了朋友食晚飯。

採訪、攝影：楊浩賢
from:http://hk.apple.nextmedia ... 141126/18947724

TOP

5^# 大中小 young 發表於 2015-3-26 14:27 發短消息

阿Lam吹雞重組玉石樂隊

林子祥欲邀玉石樂隊拍檔任個唱嘉賓。

玉石樂隊　資料圖片
林子祥（阿Lam）昨日到荃灣擔任舞獅比賽表演及頒獎嘉賓，適逢今年是他入行四十周年，原定入紙紅館申請開騷，可惜檔期爆滿，要順延至明年一月舉行，他指會有一連串慶祝節目，或會先到其他地方舉行，而紅館定必是最大型的主要演出。

阿Lam近日不停翻看過去四十年的演出資料，他希望在個唱內呈現過去的重要時刻，他說：「暫定三個重要嘉賓名單，第一個係我一九七五年返港時組成的『玉石樂隊』，希望搵齊咁多位成員上台唱歌，另外一位係我小學就認識嘅書友仔，幫哥哥張國榮寫《為妳鍾情》嘅王正宇，而沙麗（葉蒨文）同阿仔（林德信）都會睇吓上台夾吓唱歌。」

採訪、攝影：馬建華
from:http://hk.apple.nextmedia ... 150323/19085927

TOP

6^# 大中小 young 發表於 2016-10-23 21:53 發短消息

阿Lam怨冇人教急救

林子祥（Lam右）噚日喺小西灣出席千人急救活動，佢同高永文局長分別示範自動體外心臟除顫器及心外壓，不過阿Lam笑話自己只係喺戲入面睇過呢啲情節。出身醫生世家嘅阿Lam，爸爸、爺爺同四叔公都係醫生，佢話：「但我就做唔到，屋企咁多醫生都冇人教我（做急救），唯一會識就只係喺做戲時作狀做。」而明天69歲生日嘅阿Lam，活動後急急腳離開趕去練波。

撰文：馮仁昭
from:http://hk.apple.nextmedia ... 161011/19796728

TOP