洪欣急救爛面上個月同老公張丹峰慶祝完結婚四週年紀念嘅洪欣，轉過頭就有人爆料話佢有咗三個幾月，四十二歲再做媽咪。
上個禮拜二（七月九日），《壹》仔响中環見到洪欣同老公加個男人响中環置地high tea，唔知係咪受到孕婦荷爾蒙變化影響，洪欣塊面明顯爛爛哋，精神亦麻麻。
不過奇就奇在洪欣帶埋一堆護膚品去飲tea，仲擺到一枱都係，究竟係自己做緊「白老鼠」定係sell緊客？八珍唔知，只係覺得閣下塊面好唔掂，話晒你喺內地係主力做護膚代言，做吓急救好喎！
素顏洪欣唔只有對大大黑眼圈，左邊面仲生晒粒粒，枱面堆護膚品明顯幫你唔到。上個月洪欣同張丹峰撐枱腳慶祝結婚四週年，仲互相留言話love you，公開肉麻。
老婆唔介意真面目示人，反而老公張丹峰全程戴黑超。
