早排喺《情越海岸線》入面，𡃁妹李綺雯經常拋出D cup上圍引誘黃浩然，雖然最終都唔成功，不過佢嘅金毛鈴造型就入晒屋。
劇中有大咪，但現實中𡃁妹就報稱上圍有32B（定係32A咋？）冇乜嘢睇。上週三（26日），FBI去開中環萬邦行，竟然撞見𡃁妹孖住個女性友人入咗間豐胸診所。FBI入過間診所打探，職員話客人嘅資料佢哋唔可以透露，不過呢間診所就只係做豐胸同埋隆胸手術。
其實撈咗咁多年，28歲嘅𡃁妹一直都半紅不黑，如今選擇整整佢，話唔定可以起死回生喎！
前排套《情》劇，𡃁妹用咗3個胸墊先谷到似D cup去引誘黃浩然。
等候見醫生期間，𡃁妹不時四圍望，慎防被發現。
撈極唔起嘅𡃁妹其實個樣唔差，只係冇乜運仔又冇乜胸，如果真係隆胸，未嘗唔係一件好事嘅。
