呢排無綫黃金時段劇集收視告急，好在仲有套《情越海岸線》救到命，而响劇中暗戀黃浩然嘅o靚妹李綺雯，因為力谷事業線瞓身演出，人氣當堂升番唔少。
由亞視過檔無綫，簽埋經理人部做親生女，可惜事業依然一池死水，早排約滿仲俾公司燉番落去做普通藝員，呢條情慾事業線，實在嚟得太遲。
唔想做二打六做一世，o靚妹決定轉行做公關OL，早排仲幫個手袋客，客串做埋形象顧問。拍攝當日，廣告商請嚟選過亞姐、有臭口Barbie之稱嘅廖祉甯做廣告女主角，o靚妹响現場做埋阿四，執衫睇相教擺甫士乜都要幫手。行行出狀元，𡃁味識轉膊，醒！
臭口Barbie力谷33E事業線拍廣告，幫手做形象指導嘅o靚妹李綺雯，就响旁邊教擺甫士再放好個手袋。
靜咗一排，決定再响娛樂圈搏殺嘅臭口Barbie，當日孖住落選港姐文凱玲（左）以及石天欣一齊拍廣告。原本得地平線嘅o靚妹，加咗三個pad擠出32B事業線拍《情越海岸線》，但依然無助佢嘅演藝事業。
