日本內衣品牌Peach John上星期三（29日）喺尖沙咀新店開幕搞咗個內衣騷，但出席嘅豐胸女王雨僑就唔使着內衣行騷，FBI笑佢俾男友羅力威禁行性感，佢就醒目拉開話題：「上次着內衣出嚟俾報紙話我大煞風景呀！」
雨僑出席Peach John開幕騷，但好錫身唔使內衣示人，交晒畀model搞掂。
雖然雨僑冇肉睇，不過收得人錢，雨僑都識交功課，主動話：「之前喺內地拍劇唔想洗底褲，索性帶咗60條底褲去呀。」嘩！原來佢有鋪儲底褲癮，難怪Peach John搵你幫手宣傳啦！
雨僑對豐胸美容好有心得，經常拍片放上網，原來佢對內褲都咁鍾情。
