陳錦鴻父子照，正視自閉兒

廿四孝爸爸陳錦鴻為了患上輕度自閉症和語言障礙、現年6歲的囝囝駕樺，不惜停工費盡心思全力照顧，最近他們應協康會的邀請，影了一輯宣傳相，宣揚「正視，是幫助自閉兒童的第一步。」這訊息，太太杜雯惠昨日將相片上載到微博並說：「我的丈夫和兒子做了一件很有意義的事。可能你會問，為何讓兒子影這相？這可會對他造成影響？他長大後見到這些標題會否難堪？如你們真有這樣的想法，那正正也是我們要做這事之原因。」結果一眾藝人如鄭秀文、王祖藍、李克勤及伍詠薇紛紛讚好支持。

杜雯惠昨日將相片上載到微博說：「我的丈夫和兒子做了一件很有意義的事。」陳錦鴻和患輕度自閉症的囝囝駕樺一同宣傳正視自閉兒童問題的訊息。

停工三年醫愛兒
身在內地開工的陳錦鴻，昨日接受電話訪問說：「如果呢件事唔好，我都唔會做！當屋企有困難，或者出現問題嘅時候，屋企每一個人共同去面對，我覺得呢個訊息好好，佢哋亦希望可以用呢個角度去睇，所以咪應承咗佢哋！」錦鴻在下月亦會出席一個講座，分享箇中經驗，他說：「我哋做父母，如果一早正視呢個問題，處理得好，係會向好嘅方面發展，所以就算我喺出邊嘅工作做得幾咁好，賺幾多錢，其實個意義都不大，反而當你有一個正確嘅選擇，對於家庭嘅得着係好大，點解我有兩、三年冇做嘢，就係因為呢個原因。」
談到囝囝的情況，他很開心地說：「𠵱家好咗好多，佢三歲幾連一句說話都講唔到，到𠵱家可以背三字經、千字文，又識字，對於我嚟講，佢能夠用說話去溝通，真係好重要。」杜雯惠亦在電話說：「今次係協康會邀請我哋，可能係陳錦鴻一直好樂觀面對，亦都好open咁話畀人聽，所以希望作為一個例子，話畀其他家長知道，唔好當係乜嘢一回事，可以好坦承咁去傾。」
from:http://hk.apple.nextmedia.com/entertainment/art/20130504/18248453

陳錦鴻囝囝考全級第一，令他感到欣慰。微博圖片
陳錦鴻與杜雯惠結婚十年，07年誕下兒子陳駕樺，兩年前他們的兒子被評估患自閉症和中度智障，但囝囝繼續在主流學校上課，與正常的學童一起學習，結果他今日能考取全級第一名。

杜雯惠前日在微博貼了兩張相，一張是囝囝與老公合照，另一張是囝囝獲頒獎狀一刻。昨日陳錦鴻接受本報電話訪問時說：「有小小進步喇，𠵱家發覺原來呢兩、三年係可以將學到知識吸收完之後再應用，我可能會要求佢搵到一份工作，可以好開心咁工作。」

陳錦鴻、陳駕樺
微博圖片
問到兒子溫書過程，陳錦鴻說：「基本上所有教佢嘅嘢，我都會識咗先，我想畀佢感覺到佢學嘅嘢係人都識，所以佢應該要識。」另外，陳錦鴻今年書展推出新書《我和兒子的每一步》，藉此分享自己的感受。
from:http://hk.apple.nextmedia ... 140709/18793059