人稱「崔Big瓜」的崔碧珈（Anita）去年出道憑36E木瓜胸走紅，現年27歲的她擁有先天最強殺人胸器，毫不吝嗇身材，經常拋胸現身作賣點，崔碧珈5月底出席完「華鼎獎頒獎典禮」後突然銷聲匿跡，直至早前被拍到她臉腫腫求醫始知出事。
【36E回歸】
一招拗腰提腿，瞬即顯現崔碧珈身體柔軟度。
崔碧珈已回覆狀態，作好準備迎接工作挑戰。
日前崔碧珈被發現口腫面腫，原來是因其甲狀腺有事。資料圖片
停工恐阻星途
有指崔碧珈因工作壓力爆煲引發情緒病，昨日她親證甲狀腺出現問題被迫停工近兩個月，她經歷情緒失控，唔敢照鏡的日子，對於寫真被迫擱置更大感失望。
閉關養病數月後，崔碧珈近日終於康復見人，昨日到觀塘受訪親述經歷，木瓜胸依然未變，身材Big爆，水腫減退，還落力做運動鍛鍊體魄，跪地拗腰提腿，展現S身形冇難度，她說：「3、4月時冇嚟月經，去睇婦科，打荷爾蒙針，結果都係未嚟，開始體力下降，口腫面腫，成個人好攰，瞓好多都唔夠，睇專科驗血先知甲狀腺出現問題，要向公司請假，知道要停工好唔開心。」
停工後崔碧珈專心治病，但她恐娛樂圈夢碎，情緒波動，她說：「一定有受影響，近兩個月內除咗去睇醫生，冇出過街見人食飯，喺屋企過自閉生活，全面停工後連鏡都唔敢照，見到自己個樣變曬，肥腫難分，唔會有心機化妝，從未見過自己圓碌碌肥到咁。」對崔碧珈來說，今年夏天錯失機會是最大打擊：「公司原本幫我出寫真，我又考咗健身教練牌，但相關工作都要擱置。本身好期待自己今年以最靚一面畀觀眾睇，係失望，但每年都有機會，可以再出寫真。」
採訪：卓寶花
攝影：陳志嵐
場地提供：HYPE DANCE STUDIO
from:
http://hk.apple.nextmedia ... 150723/19228554
