龔嘉欣即將投入拍攝民初新劇，天生娃娃臉的她在無綫多年以拍古裝及民初劇為多，嘉欣表示可能因為自己天生臉細，不少監製同事也大讚她的古裝扮相特別上鏡，但經常做古代人不恨做時裝人嗎？嘉欣表示：「我又冇乜所謂，自細我就好鍾意睇古裝劇，入無綫第一套就係《蒲松齡》，如果你畀我揀，我都係鍾意拍古裝多啲。」
因為經常拍古裝劇，因此嘉欣甚少染髮，但她早前趁未有新劇開，跑去染了一頭金髮，不少同事看見都覺得很驚喜。最近嘉欣更心大心細想剪短髮，她說：「如果好似杏兒喺《衝上雲霄II》要剪到男仔頭咁我都接受到。」會否擔心被人指回復單身後長髮為君剪？嘉欣笑言：「都成半年喇，其實我𠵱家唔抗拒有新戀情，不過真係察覺唔到有人追。」
from:
http://hk.apple.nextmedia ... 130410/18222447
