黎耀祥遭雞姦慘變無能

無綫新劇《巾幗梟雄之諜血長天》噚日喺將軍澳電視城舉行開鏡拜神儀式，主角胡杏兒、黎耀祥、蕭正楠同馬賽等出席，其中祥仔個中間分界髮型最搶鏡，連杏兒都忍唔住笑佢心理變態。

祥仔喺劇中慘遭雞姦，杏兒就同多人發生關係，該煨到爆！馬賽悉心打扮，搶番唔少鏡。
講番個角色，中間分界嘅祥仔一人分飾兩兄弟，其中大佬係變態嘅，因為細個流落日本時遭雞姦，搞到性無能，心裏充滿仇恨要報復，係都要人家破人亡，估唔到無綫近年幾乎逢劇必有強姦戲，連男演員都走唔甩！祥仔話呢套劇應該會如常喺6月去佛山拍外景，佢話唔怕H7N9禽流感喺內地越爆越勁，但會小心啲唔食雞：「最怕拍拍吓有雀屎飛落嚟啫！」而歐陽震華、關詠荷同黃智雯等《情逆三世緣》演員亦無懼禽流感，噚日上咗佛山拍外景。

《巾幗梟雄之諜血長天》舉行拜神儀式，祈求順順利利。
杏兒死撐唔賣弄
至於飾演卧底嘅紅唇杏兒為套取情報，經常犧牲色相，同好多人發生關係，仲要俾日軍強姦：「呢啲出賣肉體嘅劇情通通都有內容，唔係為咗賣弄！」咦？咁咪係電視版嘅《色，戒》？杏兒話：「我有睇過，唔似！」講番之前街頭咀女斷正，杏兒話佢只係同中學同學goodbye kiss，仲話唔會「中途轉基」。
from:http://hk.apple.nextmedia.com/entertainment/art/20130409/18221267

H7N9禽流感疫情近日於內地廣泛傳播，造成多人死亡，稍後將到佛山拍外景的黎耀祥，雖表示暫時不擔心，但也會多加注意個人衞生，除少吃雞類，食物也會煮熟些。而被《好報》拍得與同性街頭咀嘴親密照的胡杏兒，指暫不會喜歡同性，但認為世界上沒有任何事是100%肯定，似為自己留一線。

杏兒與祥仔拜神後食番件燒肉。

黎耀祥、胡杏兒、蕭正楠、馬賽等昨日出席新劇《巾幗梟雄之諜血長天》開鏡拜神，以中間分界髮型亮相的祥仔，甫一出現即惹來笑聲，杏兒取笑他儼如萬聖節造型般，祥仔透露此乃戲中奸角造型，惟角色是性無能，故對於拍檔杏兒的被姦戲，祥仔笑言沒有這樣的福氣。談到劇中的變態殺人場面，鑑於電視尺度問題，大多只是意識上交代。

對於禽流感疫情於內地肆虐，將於6月隨大隊到佛山拍外景的祥仔，問到會否擔心？他謂：「暫時未驚，華南地區暫時都安全，但都要小心，始終內地多人死都大件事，6月嗰段時間又熱，愈熱病菌愈犀利，咪少啲食雞，煮熟啲嘢食，最驚就係拍拍吓戲隻白鴿屙啲屎落嚟啫！其他都OK嘅！」

馬賽（左）與陳自瑤誠心上香。蕭正楠細心聆聽監製李添勝教導。

犧牲色相
而飾演臥底的杏兒，表示角色心理上承受不少壓力，又要犧牲色相以獲得信任，似乎與電影《色，戒》劇情相似，不過杏兒表示兩者並不相同。對於近日被《好報》拍得與同性於街頭咀嘴，問到是否轉為喜歡女仔，杏兒對此謂：「我諗暫時唔會啩！我覺得唔會囉！不過呢個世界冇嘢係100%，（仲係鍾意男仔？）係嘅，我係有好多呢類（同性戀）朋友，不過冇試過，亦未畀同性追求過。」
from:http://orientaldaily.on.cc/cnt/e ...0409/00282_024.html