黎耀祥、陳法拉、陳豪等請客，無綫高層曾勵珍畀面出席。
無綫新劇《傳愛事務所》煞科，演員黎耀祥、陳豪和陳法拉等前晚自掏腰包在尖沙嘴請食飯，高層曾勵珍也畀面出席。祥仔透露新劇《巾幗梟雄之諜血長天》將會除衫騷肌肉，與胡杏兒又有激吻場面：「𠵱家晚晚喺屋企做六、七十下掌上壓，最好畀多兩、三星期時間我操弗啲。」他曾在《巾幗梟雄之義海豪情》除衫跑步，可擔心被比較？他說：「以前瘦啲，今次大隻啲，希望一除衫就嚇親大家。」
法拉完成《傳》劇後暫未開拍新劇，可專心做少奶奶？她反應甚大說：「3月咋，大佬，我都要搵食㗎。」她自言喜歡拍劇，可暫時離開真實世界，真實世界是否很大壓力？她說：「唔係，拍劇每日着拖鞋返工，只專心做角色，𠵱家就忙宣傳同借衫。」
from:
http://hk.apple.nextmedia ... 130324/18205306
