倉底劇《女警愛作戰》終於出籠，相信宅男們好期待，皆因有周麗淇、朱慧敏、呂慧儀、王君馨、黃智雯、朱璇同趙希洛嘅「女警七公主」出場，任君選擇。
鏡頭前，「七公主」英姿颯颯。聞名不如見真人，日前媽咪姐就喺IFC撞到黃智雯。當日佢嘅打扮，就真係「上身蒸鬆糕，下面賣涼粉」。
黃智雯本身外形的骰，對腳又唔算長，點知佢無啦啦着住件over size中褸，連入面條裙都遮埋，驟眼睇好似無着褲囉，陰功！
唔通第日真係要警服當晚裝。（設計對白）
講真呢，黃智雯雖然唔算好靚女，但勝在五官清秀。
可惜佢着衫似乎有啲問題，一件over size中褸，顯得身材好臃腫。後面睇仲大劑，件褸冚過pat，驟眼睇好似冇着褲咁，最弊係露出一對粗壯大腿，冇眼睇。
