胡杏兒結婚在即，跟圈外男友Philip Lee已定於今個月28日喺Ritz Carlton舉行婚宴。杏兒噚日凌晨2點幾，約埋成班「胡說八道」好姊妹，包括胡蓓蔚、胡定欣、李詩韻（現名李施嬅）、黃智雯、姚子羚一齊去中環一間西餐廳歡聚，當然唔少得胡蓓蔚老公「豹哥」單立文啦！
【禮物盒】
姚子羚（左）喺杏兒車上取回兩個大盒。
胡杏兒、胡蓓蔚、黃智雯、胡定欣、姚子羚同李詩韻感情深厚，前晚喺微博透露「已訂婚」。
婚禮進展：幾好吖
記者首先發現杏兒嘅七人車停泊喺中環太子大廈附近，未幾杏兒最先現身，被問係咪搞婚前派對？佢話﹕「唔係，係黃智雯生日。」問到婚禮進展如何？佢笑笑口答：「幾好吖，多謝，多謝，辛苦曬，thank you。」姚子羚同李詩韻等隨後跟上，各人手上都拎住禮物，之後子羚行到杏兒車上再拿走兩個大盒。而今次嘅約會應該係有特別主題，個個都著得好隆重，聽日33歲生日嘅黃智雯同豹嫂穿上閃令令珠片裙，定欣則穿上一對金色高踭鞋，前晚定欣就喺微博宣佈一個消息，放上一張六位好姊妹齊齊戴上閃石戒指嘅相，留言﹕「We are amazingly engaged！！（已訂婚）。」令姊妹情更昇華一大步！
除咗杏兒有專車接送，豹哥豹嫂自己揸車走外，其他姊妹都係各自坐的士離開。杏兒可能係擔心新婚地址曝光，所以召喚咗一架七人車同一架私家車攔截記者，成功避開追訪。
採訪、攝影：畢紹基、梁繼光
【壽星女】
聽日係黃智雯33歲生日，一班姊妹提早為佢慶祝。
【嚇一跳】
李詩韻（左）與姚子羚到埗時驚訝現場有咁多記者。
杏兒日前舉行婚前派對，與姊妹們玩到癲。資料圖片
From:
http://hk.apple.nextmedia ... 151220/19419003
