袁偉豪黃智雯孖份飲水

1^# 大中小 young 發表於 2016-6-22 19:48 發短消息

相關主題: 黃智雯

袁偉豪與黃智雯在炎熱天氣下拍外景，要喝冰水降溫。DV圖片
袁偉豪近年被大台捧上位，日前約4時許與黃智雯去了灣仔星街為新劇拍外景，這場戲講述他倆坐在路邊吃缽仔糕，兩人邊吃邊聊，看來十分輕鬆。但當時天氣炎熱，當導演一叫停，黃智雯急急拿手提風扇出來吹風散散熱，她還拿了一支冰凍的水遞給袁偉豪，一支水兩份喝？袁偉豪要小心女友吃醋！

原來袁偉豪也不是「吹喇叭」直接飲，口沒有接觸到樽口，只是用手隔住喝，喝完才把水再遞給黃智雯喝，相當細心。在女方喝水時，袁偉豪非常之man地大字形擋在黃智雯前面，以防被傳媒拍到她喝水失儀之態。如果她不是已有男友，袁偉豪似乎真的可以考慮。

採訪、攝影：徐錦池、吳耀輝
from:http://hk.apple.nextmedia ... 160620/19660981

廷伸閱讀/相關主題推介:

相關主題:黃智雯

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-6 20:52 發短消息

黃智雯向胡定欣送愛

胡定欣日前被爆同音樂人男友陳明道（Terry）分手，而失戀嘅定欣就去咗英國散心。佢位好姊妹黃智雯噚日喺荔園出席活動，自爆一早已知道分手呢件事，仲幫定欣講說話，話佢絕對唔係因為逼婚搞到分手：「我哋有傾過，但感情係佢哋兩個人之間嘅事，留番畀佢自己講，佢喺英國都好開心。我哋日日有傾心事，冇感觸，畀啲時間同愛支持佢。」

撰文：馮仁昭
from:http://hk.apple.nextmedia ... 160801/19717452

TOP

3^# 大中小 young 發表於 2016-9-14 22:34 發短消息

袁偉豪廿年前選校草勁Green

袁偉豪於《城寨英雄》內飾演牙佬一角高大有型，迷倒不少觀眾，他前日於Instagram內貼上20年前參加《YES!》校花校草選舉的相，給大家一個驚喜。

當年15歲就讀新法書院的袁偉豪，梳六四分界配「空氣蔭」，脂粉味濃加托腮，他昨說：「冇人教㗎！係自己睇吓啲時裝書，乜都學吓！不過肯定係green啲㗎喇！」袁偉豪又笑言：「發育時期嗰啲男仔樣係咁上下㗎喇，唔大唔細，得嗰10幾歲，又點會擺到啲man樣喎！但係好好彩贏咗個冠軍。」

採訪：唐琛悠
from:http://hk.apple.nextmedia ... 160907/19762393

TOP

4^# 大中小 young 發表於 2016-10-23 16:36 發短消息

袁偉豪約熟女撐枱腳

袁偉豪日前與熟女到沙田新城市廣場食飯。

現年35歲的袁偉豪07年當選香港先生冠軍入行，多年來一直發展平平，直至早前憑劇集《城寨英雄》的牙佬角色，終於彈出，吐氣揚眉。

人氣急升的袁偉豪表現親民零架子。

儘管袁偉豪人氣急升，但他也如平常人般，出街未有戴黑超或戴帽遮遮掩掩。日前，記者於沙田新城市廣場發現袁偉豪與熟女開餐，當晚他着住恤衫長褲，坐在餐廳開揚位置，但就未見其女友岑杏賢影蹤。當晚8時許，袁偉豪與熟女邊食邊講個不停，二人飽肚後於9時許離開，又往服務台換泊車優惠，見袁偉豪和服務台職員笑笑口有傾有講，表現親切，他往停車場取車後，熟女則自行離開。

採訪、攝影：黃曉程、梁繼光
from:http://hk.apple.nextmedia ... 160928/19783701

TOP

5^# 大中小 young 發表於 2016-10-23 16:36 發短消息

9年拍劇逾30套「牙佬」袁偉豪一劇翻生

曾經風光一時嘅大台，捧過唔少小生花旦，好多男女藝人都借呢個機會有跳板，返大陸搵銀。未儲夠知名度嘅，留低都唔係冇發圍，好似「牙佬」袁偉豪咁，就趁住空檔成功上位喇。

查實袁偉豪07年參加第三屆港男入大台，當選港男冠軍對佢事業係有啲幫助嘅，08年就拍住當紅嘅鄭嘉穎、馬國明演出第一套劇《法證先鋒II》，但只係其中一個章節嘅閒角，之後幾年都冇乜點發圍，演咗大約20部戲都冇留到印象俾人。

好彩嘅係，12年袁偉豪喺《ON Call36小時》做醫生Benjamin、同黃智雯演男女朋友，一年後又大台添食開拍第二輯，係佢入行以嚟第一個有得添食嘅角色。

之後佢事業先叫上到軌道，今年就嚟個大爆發，喺《鐵馬戰車》、《EU超時任務》同《城寨英雄》入面都有出色表演，贏到觀眾歡心。講到《城寨英雄》就威水囉，袁偉豪喺入面做男主角「牙佬」，喺城寨入面打打殺殺，拳拳到肉，睇得打得，又真係抵你上位嘅。
from:http://hk.apple.nextmedia ... 160928/19783892

TOP