有講法話：你的事業線幾長，你的事業心就有幾強。不過女星用心口戰術，都要有番咁上下勇氣。早排黃智雯、梁嘉琪、翠如BB同埋簡慕華，喺中環拍無綫新劇《師奶Madam》外景，劇情需要，四女一律低胸短裙高踭鞋，當中以黃智雯露最多。
左起：簡慕華、黃智雯、黃翠如和梁嘉琪要性感遊街，當中以黃智雯最「凸」出，真係好大，我意思係：好大風。
舊年台慶夜，黃智雯都著過deep V，不過事業效果唔顯眼，遠不及是日可觀，簡直令八珍豁然開朗。
平時習慣收埋，加上中環人多眼望望，黃智雯鏡頭以外又用衫又用手遮心口，至於同樣加料炮製嘅翠如BB，根本冇乜「包袱」，自信挺胸大步走，冇壓力，爽好多！
導演嗌嚟多take，行番轉頭嘅時候，黃智雯刻意用手遮心口，怕俾途人睇蝕。
難得著成咁，四女叫曹永廉幫手揸機影相做紀念。
一向都冇嘅翠如BB，明顯大咗好多。
舊年台慶，黃智雯deep V上陣，睇落平平無奇！
