黃智雯男友載返歸

1^# 大中小 young 發表於 2016-5-21 21:26 發短消息

相關主題: 黃智雯

無線花旦買少見少，黃智雯終於等到機會擔正做女一，而佢同謝瑞麟高層男友詹文天嘅感情亦相當穩定。智雯趁住唔使開工，當然拖實男友啦！前日下午5點幾，男友開車送女友返美孚盈暉薈屋企，就算要塞車都喺中環經紅隧過海，唔行西隧，真係慳家。去到屋苑附近智雯就咗落車，佢一個人行入商場嘅便利店睇雜誌，睇完一輪之後就過隔籬買麵包，跟住邊行邊玩手機返屋企。

撰文：馮仁昭

馮仁昭
from:http://hk.apple.nextmedia ... 160503/19595226

廷伸閱讀/相關主題推介:

相關主題:黃智雯

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-5-21 22:15 發短消息

黃智雯除帽散熱

大前日晚上7點幾，黃智雯撇甩謝瑞麟高層男友詹文天，約女友人到銅鑼灣行連卡佛，佢哋一支箭入咗化妝品部，好快叫店員攞貨兼畀錢埋單，兩人離開時行到燈位停低傾偈，一輪指手劃腳後先分道揚鑣。黃智雯之後行去南華會方向，由於天氣悶熱，本來戴帽遮樣嘅佢頂唔順除帽，然後行入一棟私人屋苑嘅停車場攞車，仲要自己一手一腳拉閘，唔知呢度係咪男友屋企呢？

撰文：馮仁昭
from:http://hk.apple.nextmedia ... 160509/19603488

TOP

3^# 大中小 young 發表於 2016-6-10 19:20 發短消息

【姊妹星途】黃智雯無緣擔正

胡杏兒、胡定欣、胡蓓蔚、黃智雯、姚子羚和李施嬅因投契而組成「胡說八道」會，六女不時聚會，情同姊妹。眾成員都是好戲之人，當中以杏兒和定欣的演藝成績較突出，兩人先後成為視后，去年杏兒榮升人妻，同時結束與無綫16年的賓主關係，跳槽後的杏兒事業和家庭都有新發展。

定欣去年摘下視后，即獲無綫力捧，相對黃智雯雖早於2012年已取得飛躍進步女藝員獎項，當時一直被看好可以上位，但天時地利人和似未能配合，無緣擔正第一女主角。姚子羚和李施嬅的演技都被觀眾肯定，但獲派角色卻不起眼，胡蓓蔚則主要做主持工作。
from:http://hk.apple.nextmedia ... 160610/19647753

TOP

4^# 大中小 young 發表於 2017-7-8 16:54 發短消息

黃智雯仆得專業

黃智雯拍攝時，被飾演匪徒的演員推落地。

黃智雯最近演出邵氏和內地網站合拍的網劇《飛虎極戰》，日前她為網劇在西灣河拍外景。當日下午3時左右，黃智雯跟劇組於馬路邊拍戲，劇情講述她和小朋友過馬路時，突然有一架貨van駛至，更將小朋友捉走。

雖然天氣又熱又濕，但黃智雯都好專業，拍了多個不同反應，其中一take更被匪徒推落地。黃智雯真跌之餘亦交足戲，於鏡頭後亦好緊張自己的表現，每拍完一個鏡頭，她都會重看演出，而現場圍觀的人亦越來越多，黃智雯未埋位時就不停補妝及抹汗。

採訪、攝影：徐錦池、吳耀輝

黃智雯表現專業交足戲。
from:http://hk.apple.nextmedia ... 170708/20082342

TOP

5^# 大中小 young 發表於 2017-7-8 16:54 發短消息

黃智雯被後輩爬晒頭出道十年仲未上位

黃智雯07年選港姐只係入到最後5強，冇名份之下入讀翌年嘅藝訓班，眨下眼咁就加入咗大台10年。

冇咗港姐后冠呢頂光環，黃智雯咁多年嚟有份演出嘅劇集，十套有八套都唔係大台一線劇，但機會係自己把握嘅，二線劇反而有驚喜，好似《巴不得爸爸…》眼鏡娘蘇鳳蓮呢個角色就好多網民話正。

本身喺演藝學院畢業，黃智雯主修跳舞同戲劇，有番咁上下底子。12年佢就拎過「飛躍進步女藝員」。呢個獎可以話係大台女演員護身符，楊怡、徐子珊、胡定欣、唐詩詠、黃翠如都拎過，仲個個都紅得起，可惜黃智雯就啱啱相反。

數一數得獎之後，黃智雯喺《On Call36小時II》嘅戲份俾後輩朱千雪、岑麗香壓住，《師奶MADAM》又敵唔過轉馬房嘅黃翠如，甚至有傳《張保仔》原本係由黃智雯做女一，最後就爭輸咗俾陳凱琳。上年《律政強人》黃智雯同李佳芯孭重飛，最近由拍住方中信嘅李佳芯跑出，好彩黃智雯忍得住，今年拍緊嘅幾套戲都係女主角，上唔上得番一線就要睇自己喇。
from:http://hk.apple.nextmedia ... 170708/20082906

TOP

6^# 大中小 young 發表於 2017-7-12 20:30 發短消息

黃智雯避談好事近

姚子羚和黃智雯昨日現身，兩人均被追問婚事。

昨日群星到賀王君馨（Grace）結婚酒會，包括唐詩詠、陳凱琳、孫耀威和陳美詩夫婦、馬浚偉、樂易玲、黃智雯、姚子羚、李施嬅及劉佩玥等，姚子羚和黃智雯更不約而同穿着白色露肩衫襯黑色褲，兩位好姊妹似經悉心配搭，她們卻笑說：「唔係，咁啱撞衫。」二人近日都傳出婚訊，問到是否來取經？黃智雯迴避說：「今日係Grace嘅大日子，唔講呢啲。」是否計劃中呢？她說：「我嘅感情事一向好低調，真係嘅話會話畀大家知。」傳已買豪宅等嫁，她繼續封嘴說：「唔好講呢啲，好私隱，希望大家畀空間我。」姚子羚同樣說：「如果我結婚，都想朋友互相戥大家開心。」

同場的劉佩玥承認很久沒見伍允龍：「好開心，交換近況，仲有影相㖭，我哋一直係好朋友，佢冇追過我。」

陳凱琳扮靚靚到賀，未見男友鄭嘉穎。

自稱單身的伍允龍，與劉佩玥不避嫌合照。互聯網圖片

失戀的唐詩詠昨日出席婚宴，戥人高興。
from:http://hk.apple.nextmedia ... 170712/20086225

TOP

7^# 大中小 young 發表於 2017-9-22 22:19 發短消息

黃智雯好事近杏兒爆姊妹出嫁

Chilam指杏兒身形似足當年大肚的阿靚，似暗示杏兒肚中係男B。

張智霖（Chilam）、胡杏兒、陳瀅同童愛玲等前晚喺尖沙嘴出席一手錶品牌25周年展覽開幕禮，預產期下月尾嘅杏兒以1.5吋高踭鞋亮相。杏兒話最貴嘅錶價錢唔過7位數，身邊嘅Chilam笑佢係小富婆，杏兒話：「買錶都係獎勵自己，今次同胡說八道會去拍節目好開心，特別係戴住姚子羚男友（鄭子邦）面具扮求婚，其實我都好替姊妹心急。」佢又大爆有胡說八道會姊妹即將出嫁，不過就唔肯講係邊一位。據知，好事近嘅姊妹就係黃智雯同珠寶集團高層男友詹文天。Chilam見到腹大便便嘅杏兒又話：「以前杏兒好有侵略性，𠵱家變得溫柔有媽媽樣。」

陳瀅對舊愛猷亨追麥明詩的傳聞冇感覺。

陳瀅寄情工作

同場嘅陳瀅講到前度何猷亨有意追麥明詩時，佢祝前度好運：「唔會酸溜溜。」陳瀅力證好友劉佩玥仍然單身，冇聽過佢身邊有富商男友，自己則單身寄情工作。

另外，Chilam噚日喺尖沙嘴出席愛護動物協會活動，佢話屋企已經有兩隻狗，但都想養多啲動物。講到囝囝，Chilam話阿仔有幽默感，係屋企嘅潤滑劑。

撰文：馮仁昭
from:http://hk.apple.nextmedia ... 170922/20160097

TOP