無論是《名媛望族》中的劉松仁、楊怡，抑或搞笑戲《老表，你好嘢》的湯盈盈和郭晉安，任何題材的無綫劇，話之是否一家大細坐齊食住飯睇，落多兩匙鹽，已成指定動作。
今次輪到葉翠翠接力，在賀歲劇做主動色誘望六張的張國強上床。
要人教路
食過翻尋味！無綫劇集幾乎部部加床戲，上週出街的《初五啟市錄》，搞笑賀歲亦無可避免。葉翠翠負責製造重口味，色誘張國強，又與謀產「同黨」楊明上床。
去年葉翠翠頭頭碰着黑，在橫店拍《金枝慾孽（貳）》傷腳，之後自己又在家中跌傷腰骨。瞓床拍床戲，應該無機會受傷！劇中她借意要張國強送回家，再扮醉拉他入房上床，葉翠翠全程主動包括除衫，張國強禁不住誘惑，中招！奸角難唔倒葉翠翠，但拍色誘戲就手足無措，要勞煩張國強指導。
「我拍呢啲戲都冇乜經驗，翠翠起初都唔知點做，佢要主動拉我入房，又要就鏡頭位，咁我咪提議吓點做囉！」張國強說。
攬聞腋下
波頂KK
初拍床戲的葉翠翠，要主動猴擒張國強，雖然不用像湯盈盈般擘髀，但一樣要送波餅和任攬任錫。
真正戲肉
有家室的張國強稱對拍情慾戲亦非常避忌，重口味場面點到即止，葉翠翠跟楊明的床戲，才是真正戲肉。
無綫鬧演員荒，小生花旦綠葉，孭到戲的極有限。自去年《大太監》開始，由法官演到高官，對手由韓馬利到葉翠翠，曝光率之高，勝過不少一線小生。年屆五十七的他，長子年前於演藝學院畢業，並立志子承父業加入娛樂圈。
「佢冇興趣做幕前，之前做過電影美指，依家已經做緊副導演。」
郭羨妮（左二）在《初》劇中演大小姐，處處為難飾演阿叔的張國強。葉翠翠在賀歲劇孭起重口味責任，不但與張國強有床戲，跟楊明的親熱戲才是戲肉所在。
自從楊怡的咬唇戲後，無綫食過翻尋味，重口味劇劇有，剛播完的《法網狙擊》，陳煒和敦政鴻的出浴戲，鹽味十足。
循環再用
無綫唔夠小生花旦，連緣葉都要循環再用，不單張國強連踩三部劇，韓馬利、鄧梓峰、鄭子誠以及朱咪咪，亦幾乎劇劇有份，觀眾都睇到亂晒龍。
韓馬利
在《法網追擊》唔認兒子森美，再在《幸褔摩天輪》唔要陳智燊，做過兩次冷血阿媽，Mary姐突然又做專業歌手，在《老表，你好嘢》大玩朱咪咪。
鄧梓峰
擅做大騷主持的鄧梓峰，無人之下變搶手貨，在《法綱》做完森美手下又在《幸褔摩天輪》做鍾嘉欣老豆，大考演技。
鄭子誠
做開奸角嘅鄭子誠，在《法網》做完卸膊警官，又變身民初人在《初五啟示錄》做唐家二叔
朱咪咪在《老表》飾演黃光亮初戀女友夢露的朱咪咪，唔夠一個鐘又在另一劇《初五啟巿錄》做爛賭阿媽，觀眾睇到精神分裂。
