【尖沙嘴】現年38歲嘅鄧健泓同29歲被嘲豬扒嘅港姐冠軍張嘉兒，兩個人拍拖已經係公開嘅秘密，不過佢哋依然唔認。前日5點幾佢哋又喺尖沙嘴拍拖，鄧健泓將架車交咗畀金馬倫道一檔代客泊車之後，一身運動裝嘅佢哋就沿住金馬倫道行，其間張嘉兒仲不時露出佢嘅喱士內褲邊，非常性感。有別於過往一前一後行，今次兩個雖然冇拖手，但至少平排而行。
一向俾人話把口𠱁女仔有一手嘅鄧健泓，全程同女友有講有笑，仲哄埋去引到佢笑得不知幾開心。
【今日我至偽】鄧健泓同張嘉兒明明拍拖上埋男方屋企都可以唔認，除咗「偽」真係諗唔到第二個字形容
專揀小巷行
行行吓鄧健泓自己行開咗，嘉兒行咗去㩒機，之後就專揀一啲小巷行，經過加連威老道去返金馬倫道上咗一幢大廈。原來鄧健泓預先上咗樓上一間日本餐廳攞位，認真體貼。兩個人喺餐廳會合開餐，食咗兩個鐘，到8點幾至離開，飯後佢哋沿住漆咸道行咗一陣街，鄧健泓就返咗去攞車接咗張嘉兒走。
From:
http://hk.apple.nextmedia ... 130124/18144176
