嘉兒昨在活動宣佈有喜三個多月，不時會與老公用聽心機跟BB交流。
張嘉兒去年9月跟老公Nathan在加拿大溫哥華成婚，婚後四個月火速造人成功！張嘉兒昨日在將軍澳的宣傳活動上報喜，她接受本報電話訪問時開心分享說：「多謝！𠵱家已經有三個幾月，預產期係年尾，暫時未知仔定女，要下次去照先知，不過生仔生女都冇所謂！其實冇諗過咁快有咗，諗住過吓二人世界先，不過知道有咗BB都好感恩！」
首次懷孕的張嘉兒暫時未有對食物敏感，不過坐港鐵、搭的士就會作嘔，所以嘔吐袋要跟身。講到初為人母的心情，她說：「好開心！初初嗰三個月比較攰，唔係好enjoy，但𠵱家照超聲波睇到BB郁手郁腳，我老公又買咗個聽心跳嘅機，久唔久聽吓BB心跳，樣樣嘢𠵱家開始好真實！我哋仲開始買BB用品㖭！」工作方面會不會減少？嘉兒說：「暫時唔會拍劇住，會做啲輕鬆啲嘅工作，其實我都唔介意做，因為一路都好精神。」
嘉兒昨在微博貼出超聲波照，清楚見到BB在揉眼睛。
嘉兒與Nathan結婚才七個月，快將有新家庭成員。資料圖片
From:
http://hk.apple.nextmedia ... 160429/19590481
