【烚住談心】
有讀者透過爆相爆片指，張嘉兒前晚跟未來老公在稻香撐枱腳打平民邊爐。
讀者提供圖片
【爆相爆片】現年31歲、07年港姐冠軍的張嘉兒，雖然曾被封豬扒港姐，但卻是當年得獎佳麗中最快跑出的一個，比同屆何傲兒、周美欣及王君馨等更快做人妻。張嘉兒將於9月12日在加拿大溫哥華跟金融才俊Nathan Lau（Nate）舉行婚禮。
【勁有衣食】
剩下枱面大籃蔬菜，嘉兒最終打包拿走，未嫁已變慳家人妻。
不過，雖然還有個多月才榮升劉太，嘉兒已大有「慳家人妻」本色，讀者李小姐透過本報「爆相爆片」報料，指前晚6時許目睹嘉兒與男友在將軍澳新都城稻香打邊爐，點了豚肉、蔬菜等食物，二人邊「烚吓烚吓」邊談心，逗留約個半小時離開時，還將食剩蔬菜等食物打包，拒做大嘥鬼！
塞納河甜蜜咀嘴
嘉兒上月偕男友到法國影婚紗相，昨日她將靚相放上微博，雖未見她與Nate上演「巴黎鐵塔反轉再反轉」，但就有在塞納河橋上甜蜜咀嘴，又到聖母院、羅浮宮及凱旋門等名勝拖手漫步，認真浪漫。記者昨致電嘉兒，她承認前晚與男友撐枱腳，講到連菜也打包，她坦言：「係呀，我哋食剩一大籃菜，返屋企煮麵都幾好吖！」記者笑指她未過門已經幫未來老公慳住荷包，嘉兒笑謂：「盡量啦。」
嘉兒透露上月到巴黎影婚紗相期間，男友差點被打荷包，她說：「我哋臨走嗰日搭火車去機場，趕上火車臨閂門嗰陣，突然有隻手揳入嚟想扒Nate褲袋個銀包，好在我哋及時發現！」問婚禮在即心情點樣？嘉兒說：「都幾興奮幾緊張，𠵱家開始度嗰晚rundown，開始幻想當日流程點。之前都唔係太興奮，覺得好多嘢做好多嘢book，但𠵱家踏入呢個月份越嚟越緊張。」
嘉兒要為無綫拍劇至9月初才能返去溫哥華準備婚禮，問Nate可有叮囑她工作不要太博時，嘉兒說：「咁又冇，佢鼓勵我做好啲囉！」
採訪：魯吉
【塔下騷胸】
張嘉兒上月到巴黎影婚紗相，在巴黎鐵塔下大晒事業線，又在塞納河啜爆未婚夫（右圖）。
【河畔激吻】
From:
http://hk.apple.nextmedia ... 150731/19237657
