張嘉兒逼住拍拖先後同過金剛、鄧健泓拍拖嘅港姐冠軍張嘉兒，近年決心減磅瘦面豬扒大翻身，舊年仲翻撻圈外前男友，希望盡早做人妻。
上星期四，五•一勞動節假，張嘉兒同男友，仲有兩男一女再加個手抱小朋友，喺銅鑼灣人逼人行街，由時代廣場掃過去百德新街，沿途屁股多過人，行到白沙道冇咁逼，張嘉兒同男友手拖手，公開恩愛。
已經事先張揚視對方為結婚對象嘅張嘉兒，見到《壹》仔大大方方，又笑又揮手，身邊朋友亦一樣，完全唔怕俾鏡頭「隊」住。
比起金剛、鄧健泓，張嘉兒口中嘅真命天子確係見得人，難怪佢公開向男友派定心丸，免得走寶！
銅鑼灣針插唔入，去到行人較少嘅內街，張嘉兒同男友即刻拖番實。
經過賣iPad套嘅街邊檔，張嘉兒忍唔住停低睇咗陣。
朋友飛象過河搭張嘉兒膊頭，男友（箭嘴）笑口噬噬，冇介意。
見到鏡頭，張嘉兒興奮到又笑又揮手，仲抱起小朋友俾《壹》仔影，超大方。
