無綫三屆視帝黎耀祥昨日與吳鎮宇和周秀娜在東莞出席餐廳開幕活動，現場逼滿數百市民，穿上泰山裝的娜姐遭一名女粉絲捉着手不放，祥仔表現最親民，鎮宇則一度面黑黑。對於亞視逼藝人上洗腦培訓班，祥仔說：「好過份，簽合約時冇註明必須出席培訓班，民主社會應該畀人揀。」祥仔都讀過無綫舉辦的第三期進修班：「要人讀個台嘅歷史都好過份，我哋以前唔使，純教演戲、唱歌、台詞演出嘅技巧。」宮雪花做導師是否恰當？他說：「可能教人生經驗。」
另外，羅力威昨日在銅鑼灣出席港台活動，曾是亞視人的他，被問有否甩難感覺，他有點戒心說：「家做嘢開心向前看，有啲朋友仔喺入面，希望可以好。」可覺亞視過份及慶幸自己離開亞視，他說：「承認自己係幸運人，攞到獎同入咗間好公司。」
黎耀祥覺得亞視太過份，逼藝人上歷史堂。周秀娜話好在有練過吓功夫，所以俾瘋狂女粉絲拉住唔放時，佢都唔驚。
From:
http://hk.apple.nextmedia ... 121230/18117497
