龔嘉欣同鄧健泓拍拖兩年幾分手，繼本報踢爆係嘉欣劈腿在先後，噚日同為陳志雲愛將嘅梁泰來又喺電台爆料，話有可靠消息指嘉欣係識咗第二個男性在先，再提出分手，唔明點解仲要踩多前男友一腳。
【中環】龔嘉欣同鄧健泓拍拖兩年幾分手，繼本報踢爆係嘉欣劈腿在先後，噚日同為陳志雲愛將嘅梁泰來又喺電台爆料，話有可靠消息指嘉欣係識咗第二個男性在先，再提出分手，唔明點解仲要踩多前男友一腳。
龔嘉欣嘅觀音兵動作好快，嘉欣上車唔使半分鐘就極速開車。傳被飛的鄧健泓同龔嘉欣喺差不多同一時間喺微博留言話分手冇涉第三者，似乎傾掂數。
龔嘉欣同鄧健泓昔日恩愛之情不再。資料圖片
張嘉兒呻受侮辱
劇情峰迴路轉，變成眾矢之的嘅龔嘉欣前日去灣仔出席遊戲展前先去中環set頭。前日約下晝三點鐘，佢同助手喺中環街頭出現，見佢不停講電話，原來係急召一名男性朋友快啲嚟接佢，睇嚟佢異性緣真係唔錯。嘉欣上咗架黑色私家車後，唔使半分鐘架車就極速開走咗。根據車輛登記，車主係一名姓趙嘅男士。
張嘉兒（小圖）無辜被指第三者，佢喺微博呻不停。
龔嘉欣前日先話同鄧健泓少聯絡，但唔知係咪傾掂數，噚日佢哋合拍地喺朝早8點幾，分別喺微博發咗段一模一樣嘅留言，佢哋話：「我和鄧健泓／龔嘉欣希望對於近日的報道澄清，我們的分手是基於性格上的問題，絕無涉及任何第三者包括許家傑、張嘉兒以及任何人。分開了我們仍然是朋友，互相支持及祝福。」至於傳做小三嘅張嘉兒似乎好唔開心，喺微博狂呻話自己無辜做咗一日箭靶，唔想再受到侮辱。
From:
http://hk.apple.nextmedia ... 121222/18109714
