鄭秀文愛的探訪

自從Sammi信主之後，世人真係得救。由臭四變四萬，再翻撻許志安，Sammi負面新聞近乎零，加上不時去慈善探訪，氣質升晒呢。

近年Sammi愛上煮食，不過月初都放低晒架生，去咗尼泊爾做探訪。係人都知尼泊爾係落後國家，環境一定唔好，但Sammi就不時喺facebook發放正能量，唔單只冇嫌棄簡陋食宿，仲讚酒店冇地氈，鼻敏感有救，苦中作樂。

面對每件事Sammi都用充滿愛嘅態度，唔知對住許志安，Sammi嘅愛係咪又咁爆棚呢？



自言平日愛餅乾咖啡嘅Mi，都有試尼泊爾街邊飯，淺嘗炸魚、炸雞飯。



探訪前一日，Sammi睇咗《少年Pi的奇幻飄流》，仲話睇完之後幾日，成日諗番套戲，想同fans交流意見。