鄭秀文（Sammi）、劉嘉玲、周汶錡及上山詩鈉等昨晚在西九龍圓方商場，出席Roger Vivier服飾店的開幕酒會。Sammi以一身透視裝襯黑色bra現身，非常搶鏡，對於黃偉文（阿Y）將一首他們合作的舊歌《偷聽器》，重改歌名成《暖壺》，揶揄港大校委會委員之一的紀文鳳，質疑暖水壺是偷聽器的荒誕想法，Sammi笑說：「創作係無限大，Wyman係一個好有諗法嘅人，等我返去聽嚇首歌，睇嚇有幾暖。」
劉嘉玲跟Sammi兩位資深電影人，認同政府應投入更多資源發展電影業。
黃偉文
安仔為健康戒煙
Sammi透露跟老公許志安去看北極光之旅要稍後才能成行，因為要先完成巡迴演唱會，她說：「會先去一啲短trip先，通常都會去日本，以前去買衫，𠵱家去買清酒。」Sammi又爆安仔去年底忽然戒煙成功，她說：「2015年得番幾日佢突然話戒煙，我話得番7日你係就煲爆佢，佢都係想健康啲，同埋食煙好孤單，朋友之中得返張衞健食。」
劉嘉玲對於預算案增撥資源到電影業，她認為是好事：「好多香港演員、導演都好有實力，電影係文化財產一部份。香港有好多好劇本同演員，好似今年三部華語賀歲片都好好。」另外，上山詩鈉女兒Hilary早前替品牌拍攝宣傳照，她覺得效果不俗，假如要母女檔合作拍廣告就要等女兒暑假在美國回來才可以。
採訪：馬建華
攝影：陳志嵐
周汶錡的身形比起生育前還要fit。
人妻張新悅亦專誠到場支持開幕禮。
from:
http://hk.apple.nextmedia ... 160225/19504214
