鄭秀文Sammi大馬開騷食榴槤

1^# 大中小 young 發表於 2016-6-6 05:04 發短消息

鄭秀文（Sammi）近日為「Touch Mi鄭秀文世界巡迴演唱會」演出，五日內分別在雲頂及倫敦舉行了三場演唱會，大馬站完騷後便急不及待品嚐舊同學送上的榴槤蛋糕。

騷後Sammi即嚐榴槤蛋糕。互聯網圖片
相隔兩年再踏雲頂開騷，Sammi分別以性感喱士、純白新娘、低V機師、長腿牛女及女神look等十個造型現身，演唱會以《Bang Bang Bang》和《煞科》等快歌揭開序幕。在台上Sammi發現一位男歌迷不斷尖叫即笑說：「呢位『肥仔』好激動，係咪冇見過『靚腿』呢？」唱《不要驚動愛情》前就自嘲四十多歲才嫁得出，呼籲單身Mi粉耐心等候。

撰文：草津
from:http://hk.apple.nextmedia ... 160603/19638659

廷伸閱讀/相關主題推介:

相關主題:鄭秀文 Sammi 榴槤

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-6-7 00:49 發短消息

鄭秀文倫敦開騷舞台戰衣玩透視

鄭秀文（Sammi）鐵定9月再在紅館開騷，消息一出已引起全城緊張，因為又要好頻撲去撲飛。Sammi的騷不單有勁歌有熱舞仲有好多靚衫睇，的確值回票價。

日前Sammi的世界巡迴演唱會就去到倫敦上演，絕不欺場狂換靚衫，而且好幾件都大玩透視誘惑。包括一件內地高級定製品牌We Couture的粉藍透視晚裝，以閃片刺繡成白鴒圖案，充滿仙氣。而另一套法國品牌Balmain的閃電藍色流蘇裙有型浮誇，胸口的魚網細節都幾sexy。

更多時尚新聞，即上：http://add.appledaily.com
from:http://hk.apple.nextmedia ... 160604/19641075

TOP

3^# 大中小 young 發表於 2016-6-7 00:56 發短消息

Sammi買包老公埋單

當見到記者拍照時，拿着一袋麵包的安仔就擋在Sammi前面護駕。

【大坑】鄭秀文（Sammi）今年9月開個唱，最近她已積極備戰，不少歌星開個唱前都會刻意節食減肥，但前晚約10時許見Sammi同老公許志安一齊出動去到大坑買麵包，看來她又要勤加做運動才可抵銷過量的卡路里。戴上口罩的Sammi在麵包店負責選麵包，安仔就站在身後。不過Sammi選來選去後，最終只選了三個。

安仔見老婆揀完了，就好貼心地幫老婆接住個麵包盤去結賬，當他們離開店時見到有記者拍照，Sammi就好像有些害羞，安仔見狀就擋在老婆前面護駕，但兩人態度還是友善的，當安仔護住老婆上車後，他就立刻開車離開。

採訪、攝影：朱志聰、黃曉程、梁繼光
from:http://hk.apple.nextmedia ... 160605/19641430

TOP

4^# 大中小 young 發表於 2016-6-7 01:10 發短消息

Sammi羽毛眉谷9月個唱

Sammi自爆正為邀請個唱嘉賓而傷腦筋。

鄭秀文（Sammi）將於9月16日開始假紅館舉行6場「Touch Mi2鄭秀文世界巡迴演唱會2016」，去年Sammi舉行12場紅館騷時，開賣日秒殺一票難求，而這次開騷已定於本月20日公開發售門票，全新宣傳海報亦於近日曝光，Sammi玩大頭、羽毛眉配螢光唇造型。

對於再和香港歌迷見面，Sammi說：「今次開part2係我一個心願，由香港開始巡演，過去一年去咗多地方演出，但一直希望可以再返香港開騷。」她笑言上次未看過的朋友要抓緊機會，今次內容編排會有新構思，但會保留上次的精髓再加一些新元素，造型上亦會新添戰衣，她更自爆正為邀請嘉賓而傷腦筋。

撰文：陳以晴
from:http://hk.apple.nextmedia ... 160606/19642528

TOP

5^# 大中小 young 發表於 2016-6-11 21:48 發短消息

鄭秀文求刺激玩到標淚

鄭秀文昨日在迪士尼出席活動，稱想挑戰笨豬跳。

鄭秀文（Sammi）昨日出席迪士尼樂園舉行的企業聯盟啟動儀式，以往Sammi去旅行時總愛挑戰最刺激的機動遊戲，她說：「每次玩free fall後眼角都不其然有滴眼淚。」她更會逼身邊朋友一齊玩，試過有朋友玩到嘔，問到老公許志安有否陪玩？她說：「佢都有玩，不過冇我咁鍾意。」

Sammi終極目標是想挑戰笨豬跳及跳降傘，但要物色朋友一齊玩，Sammi指安仔有畏高，或者叫經理人郭啟華一齊跳，因為人矮通常冇畏高！她的演唱會門票快將發售，Sammi極力爭取以最抵價讓觀眾入場，最後只有貴價飛加至780元，中低價飛維持票價不變。

採訪：馬建華
攝影：陳慧安
from:http://hk.apple.nextmedia ... 160611/19649507

TOP

6^# 大中小 young 發表於 2016-6-17 21:00 發短消息

Sammi騷優先訂票秒殺

鄭秀文（Sammi）9月會喺紅館開6場演唱會，公開發售門票仲要等多陣，但信用卡優先訂飛噚日朝早9點就開始咗，但係9點過後，有粉絲喺優先網facebook留言，話㩒咗成朝都入唔到去，亦有人留言話搭正9點鐘入到去都已經賣晒飛。主辦單位寰亞唱片嘅發言人梁小姐回覆話：「優先訂票中午前已經賣晒啦，多謝大家，到公開發售時大家再努力啦！」

撰文：馮仁昭
from:http://hk.apple.nextmedia ... 160614/19652814

TOP