龔嘉欣早排微博宣佈同鄧健泓紅分手，雖然兩人都強調冇第三者，但有傳女方搭上09年香港先生許家傑，許家傑近日又同佢慶祝生日，非常sweet！不過近日龔嘉欣被影到同鄧健泓飯聚，雖然話再見亦是朋友，但會唔會快少少，有翻撻之嫌呢！
就呢件事，好姨問過3位主角，龔嘉欣就話：「之前唔開心都有同許家傑傾心事，我係好朋友，我知道佢有女朋友。（你有冇拍拖？）我一向都有人追，我都好後生，慢慢揀先！」講到咁，似乎對許家傑開綠燈喎。
而許家傑則說：「我有圈外女友，拍拖一年。（你有冇追龔嘉欣？）我係好朋友，佢係個好女仔。」反應冷淡喎。
好姨收到風，其實龔嘉咁講，原來係扭緊計，希望鄧健泓緊少少，快快手出力追番佢。事實上，龔嘉欣呢招又真係好成功，因為鄧健泓聽到佢黐新仔，即刻向好姨酸溜溜咁話：「都分開一段時間，再拍拖好正常，佢開心就得。許家傑都幾好仔，我都冇咩回應。」酸葡萄到呢！
