■錢嘉樂昨日拿着金馬獎回港，心情興奮。
■家輝（左）與霆鋒落敗而回，兩人均謂沒失望。
錢嘉樂、謝霆鋒和張家輝昨日從台灣出席完金馬獎回港，嘉樂憑《車手》奪最佳動作設計，他抵香港機場時興奮得把獎座拿出來與記者分享喜悅，他說：「個獎好重，我兩個拍檔嘅獎座，好彩有林生（林建岳）幫我用私人飛機運返嚟！」
問嘉樂為何不跟林生一起搭私人飛機回港？他說：「林生都冇叫我坐，希望以後有咁嘅機會啦！」前晚湯盈盈雖沒陪他出席金馬獎，但嘉樂說：「老婆喺香港同親友食飯，知道我得獎仲開心過我，即刻通知親朋好友。」曾志偉前晚恭賀他，還說未出世的女兒腳頭好，為他帶來好運。
霆鋒和家輝在金馬獎中敗給劉青雲，昨日兩人同聲表示不失望，家輝說：「我一早預咗青雲得，所以冇畀壓力自己。」霆鋒則說：「我冇諗自己攞獎，同青雲合作完《消失的子彈》，我都好想佢攞獎。」
