何韻詩勇敢承認同志身份，愛得光明磊落，贏得全民漂亮掌聲之餘，與緋聞女友台灣演員鄧九雲的關係亦愈見浮面。
據知何韻詩「出櫃」除為了爭取平權之外，亦因為一直以來同鄧九雲的戀情偷偷摸摸，就算同居貝沙灣亦不敢公開，所以趁今次「出櫃」給女友一個名份，隨時繼趙式芝後，又一對同性結婚的公眾人物。
互動片段
何詩同志宣言何韻詩上週六（10日）首次參加同志大遊行，在4千人的掌聲中勇敢大聲疾呼：「我好驕傲講一聲：我係同志！」更表示多年前已想公開性取向，積壓在內心的情緒終於因為社會對同志的歧視和打壓而要打破沉默。
12/11給父母公開信
何韻詩公開同志身份後，在微博發表聲明補充：「現在的我，不再只是代表自己，而是站前了一步，為我們這一群人，為社會的進步去發聲。」在週一更發表了一封給父母的公開信。
何韻詩吹雞叫好友壯膽，可是好友包括容祖兒都身處外地，只得Wyman（左一）及徐濠縈（左二）能夠抽空齊齊遊行。
台妹鄧九雲
今年2月何韻詩與台女鄧九雲合演舞台劇《賈寶玉》傳出緋聞，鄧九雲更不避嫌在微博放上與何韻詩合照。
有傳2人同住貝沙灣，曾被發現一同在屋苑樓下超市購物。
何韻詩今年6月到廣州開個唱，鄧九雲愛相隨，之後又被影到2人在中環行街，但當時阿詩仍顯得避忌。《壹週刊》圖片
女友力撐
繼黃耀明後又一位歌星出櫃，無疑為弱勢社群打了強心針，而同樣感到喜悅的必定是她的同性女友、台灣演員鄧九雲。2人因合演舞台劇《賈寶玉》而撻着，據知2人已同居貝沙灣；何詩出櫃後鄧九雲亦在微博留言「With love,to a better world」力撐。
據何詩身邊人透露：「阿詩同鄧九雲感情好好，拍拖唔想再偷偷摸摸，想畀番個名份女友，公開戀情嘅第一步就係要公開同志身份，咁啱反歧視條例議案被推翻，又得到黃耀明鼓勵，佢咪come out囉！」
上週六（10日）何韻詩一早call定好友來壯膽，Wyman、盧凱彤、徐濠縈等沿路傍住阿詩遊行，她出櫃後行落台即除墨鏡，好友上前擁抱支持。何韻詩遊行前一日致電通知何爸爸，何爸爸一口贊成她出櫃，當日父母更親身到現場撐囡囡。
Fiona君如冇到
Wyman承認是何韻詩吹雞，他才首次參加同志大遊行：「佢都有叫吳君如、薛凱琪，但佢哋喺外國嚟唔到啫。」《蘋果日報》圖片
不過同志大遊行當日，何詩仍未敢叫鄧九雲現身，於是吹雞叫一眾好友來壯膽，包括前緋聞女友容祖兒、薛凱琪同吳君如等，但來到的只得徐濠縈和Wyman。
知情者說：「阿詩出櫃前有通知Joey，但Joey要同劉浩龍去韓國嚟唔到。阿詩對記者講Joey贊成佢come out，其實Joey只係叫佢不如諗清楚先，但阿詩已經諗得好清楚。」
何韻詩上週六（10日）出櫃後不想談感情事，只回應說：「因為呢排發生好多唔公平嘅事，之前覺得冇必要交代（性取向），有啲事就係要咁樣至企出嚟。我個人睇落好反叛，其實我好在意影響其他人；家家人、公司嘅包袱都冇咗，佢哋只會無限嘅支持。」何詩放膽愛啦！
祖兒浩龍甜蜜外遊
舊愛容祖兒與劉浩龍拍拖遊韓國未能到場撐何韻詩，但據知Joey不贊成對方公開同志取向。祖兒同劉浩龍外遊有迹可尋，上月本刊就影到劉浩龍逛書店買了3本京版神旅遊書。
未必個個認
何韻詩繼黃耀明後勇敢出櫃，市民like爆，不過仲有唔少性取向成疑的藝人如張敬軒、關智斌、許廷鏗、王喜、陳鍵鋒等，仍抱觀望態度；話唔定見咁多人撐何韻詩之後，陸續有藝人出櫃。
趙式芝：要畀耐性
我可惜有工作去唔到遊行，香港要通過反歧視同性戀條例係要畀耐性，我哋要堅持，爭取平等待遇，同性戀同任何人嘅權利應該一致。
林二汶：唔需要交代
家聯合國都通過咗立法啦，香港行得好慢！我唔會講自己會唔會出櫃，亦唔會叫朋友咁做，性取向唔需要同觀眾交代。
Wyman：出櫃要勇氣
今日係何韻詩叫我嚟，出櫃係好需要勇氣嘅，只要真心相信呢件事就有意義。希望呢次反歧視動議失敗，令更多人行出嚟做啲嘢。
