感冒何超蓮姐弟夾攻

賭王三太索女千金何超蓮不幸患上大感冒，本來食吓藥休息吓冇乜特別，但係細佬猷啟、家姐何超雲同陳山聰竟然聯手蝦佢，真係冇陰功！

病咗幾日嘅超蓮病到呆呆哋，細佬猷啟轉發咗一篇漫畫畀佢，講個奀皮細路女成日激阿媽，猷啟仲好諷刺咁問：「是你嗎？」之後連超雲同陳山聰都夾攻超蓮，激到感冒超蓮喺微博反問：「你們到底想怎樣啊？」超蓮講得啱，奚落佢事小，踢爆佢蝦阿媽事大呀！


超蓮病到苦口苦面又要飲苦茶，仲要被家姐、細佬奚落，的確幾慘！

何超雲同男友陳山聰齊齊轉發網上漫畫「我不素一個好女兒」給超蓮，笑她不是一個好女兒，病了又要人照顧，本來得啖笑，但超蓮仍忍唔住反駁：「你們到底想怎樣啊？」