何超蓮派扇送正能量

1^# 大中小 young 發表於 2017-7-21 00:33 發短消息

相關主題: 何超蓮

何超蓮昨日率領義工向參加書展的市民派扇打氣。

書展昨日開幕，賭王三房千金何超蓮為等候入場的書迷派扇。她早前籌辦了「Smile with us」義工活動，為港人增加正能量，昨日她帶同20名義工到灣仔會展對出天橋派扇。

超蓮昨早9時由澳洲返港，一落機就趕到現場，她笑說：「因為我係Little Miss Sunshine，就算噚日狂風雷暴落晒雨行晒雷，今日天氣非常好，證明凡事無絕對，希望在明天。」她解釋知道等候排隊入場的地方沒有冷氣，所以希望一把靚扇既可撥涼，又可換來多點笑容。

採訪：唐如
from:http://hk.apple.nextmedia ... 170720/20095014

廷伸閱讀/相關主題推介:

相關主題:何超蓮

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2017-7-30 18:37 發短消息

【2017香港動漫電玩節】超蓮為單親媽媽搬屋

何超蓮昨日現身灣仔會展向輪候入動漫展的人士派扇。

賭王三房千金何超蓮所搞的「Smile with us HK」義工活動，繼書展後昨日再出動去灣仔會展，派扇給輪候入動漫展的人士。問會否搵圈中好友加入做星級義工團隊，她笑言：「我驚自己冇號召力，不過好多朋友都話會幫手，好似JW同埋家姐，霆鋒仲好好，嗰晚我哋一齊食飯，我問佢可唔可以拎波板糖影相，佢一口應承！」

超蓮又透露其義工團隊下周六會為一個曾遭家暴的單親媽媽搬屋：「呢個媽媽好慘，佢老公拎晒啲錢，佢要一個人帶住三個小朋友住劏房同攞綜援，於是婦女聯會幫佢申請公屋，我哋幫手裝冷氣同電磁爐，仲搵義工幫手鋪地板！」

採訪：王連連
攝影：沈健程
from:http://hk.apple.nextmedia ... 170729/20104973

TOP

3^# 大中小 young 發表於 2017-7-30 18:45 發短消息

超蓮到賀薛世恒做兄弟

賭王千金何超蓮昨日穿黑色露肩連身裙祝賀新人。

孫耀威與Macy婚禮的兄弟姊妹團強勁，兄弟有莊家彬及薛世恒，而姊妹團更有三位靚靚人妻鄺文珣、李亞男及王君馨等，前來出席觀禮賓客有鄧萃雯、何超蓮、王祖藍、關禮傑夫婦及朱明銳等，連Macy的舊拍檔、前女生宿舍成員張曼伶（Bella）也有現身。

作為姊妹團的君馨及亞男均表示感動，君馨表示：「認識佢哋差唔多7年，每一年都問佢哋幾時結婚。」在旁的亞男更笑言：「成日問佢哋幾時結，想收佢哋封利是，點知我哋兩個反而結婚先。」問到送甚麼禮物給新人，亞男表示：「有乜幫手都會幫手，送咗有紀念價值嘅嘢。」君馨則表示：「送咗自己首飾品牌畀姊妹團同大利是，結婚用好多錢。」在婚禮上，二人表示綵排時已喊：「要喊已經喊晒，不過真係好感動，尤其是Eric喺台上想喊，即刻遞紙巾畀佢。」

趙頌茹（左）的兩個女兒在婚禮上擔任花女。

薛世恒是兄弟團成員之一。
from:http://hk.apple.nextmedia ... 170730/20105897

TOP

4^# 大中小 young 發表於 2017-8-7 23:07 發短消息

超蓮殺入屋邨助基層

超蓮（右）昨在Ig貼上到公屋做義工的短片。

何超盈與四眼新歡撐枱腳，而三房的何超蓮未有拖拍，早前成立Smile with us HK慈善組織的她，近月忙於與友人籌辦活動，繼早前與義工整曲奇、到書展及動漫節派扇外，昨日超蓮在Ig貼了幫單親媽媽的新家鋪地板的短片。

積極行善的超蓮，早前更到動漫節派扇。資料圖片
短片中，超蓮與另一位女義工現身公屋的走廊與單親媽媽傾偈，她留言：「看她感激跟開心的眼淚再熱都值得了！幫助別人不只對方受惠，我們義工們也獲益良多。」有不少網友留言支持超蓮，亦有人表示已登記參加做義工未有人回覆，超蓮更親自回覆表示會跟進。

撰文：唐如
from:http://hk.apple.nextmedia ... 170807/20113563

TOP

5^# 大中小 young 發表於 2017-8-19 21:28 發短消息

超蓮行善出錢出力

何超蓮昨日在天橋派扇，不足半小時已派出一千把。

賭王三房千金何超蓮籌辦的「Smile with us」，昨日在會展天橋向市民派扇，不足半小時，一千把扇已經派完，超蓮說：「覺得好開心，我好驚啲人以為我做騷。」她透露下月會到內地孤兒院探訪。

除身體力行外，超蓮更出錢支付經費及行政費，希望所有善款用於有需要人士身上。問超蓮有否叫好友鄧紫棋（G.E.M.）幫手？她說：「有呀，今日原本JW（王灝兒）嚟，但佢公司安排咗工作畀佢，好多朋友都好主動，唔使踢佢哋入會，佢哋都自動獻身。」此外，超蓮表示日前準備驚喜生日派對與G.E.M.慶祝生日。

採訪：黃曉妍
攝影：葉君海
from:http://hk.apple.nextmedia ... 170818/20124495

TOP

6^# 大中小 young 發表於 2018-1-25 17:41 發短消息

何超蓮愛心爆棚

賭王何鴻燊嘅三房千金何超蓮，人美心善，同一班志同道合嘅朋友，成立咗個慈善組織「Smile With US HK」，目標係宣揚正能量。早前，佢落手落腳整棒棒糖派畀市民，可惜慘畀整糖啲高溫燙傷手添！

日前，東姑喺銅鑼灣遇見何超蓮，見佢同埋幾個女義工隊友，手上拎住一大盒印咗「哈哈笑」嘅棒棒糖，疑似又在籌備新活動。大家仲一齊拎住影合照，互相激勵士氣。最終，由何超蓮捧走盒糖，然後坐七人車返歸，睇嚟佢對呢個慈善工作，投入程度極高，做到出錢出力，兼身體力行，愛心滿瀉！

何超蓮同成班義工，拎住佢成立嘅慈善組織製作嘅棒棒糖，大家圍埋一起度甫士影相。

佢小心翼翼地捧住一大盒棒棒糖，十分重視一眾義工們嘅心血。

佢拎住慈善組織盒糖游走鬧市，乘機宣傳。

呢啲係派畀市民嘅哈哈笑棒棒糖，何超蓮一路整，一路笑，做善事當然特別開心。

TOP