網上點擊爆燈嘅《江南Style》，原唱韓國歌手PSY成為萬千肥男偶像，噸位外形同PSY差不多嘅肥Wilson錢國偉機不可失，搵埋古巨基、鄭伊健聯手照抄拍咗個土炮版MV。
影印一樣，但勝在效果神似。錢國偉上晒身，靠「肥Wil Style」成功走出幕前，下月王晶開新戲，男主角係王祖藍，已經預咗肥Wil一份，連有份喺土炮MV粉墨登場嘅曾志偉，都話要做佢代理人，安排肥Wil走埠登台撈一筆。
機會，就好似便利店，隨時出現，差在閣下轉數夠唔夠快，抄又好偷又好，手快有着數。
土炮版MV原裝照執，肥Wil同林曉峰騎馬舞照跳
兩個老友鄭伊健同古巨基除咗客串MV，仲做埋導演。
肥Wil當年喺無綫係《獎門人》監製，拍MV當日，志偉禮尚往來。
