錢國偉告AD2冒認夜蒲女

繼冬甩成員曾寶玲返內地做酒吧騷、海報冒認港產片《喜愛夜蒲》女主角之名引人注意後，最近AD2又再借《夜蒲3》返內地宣傳，但實情佢哋冇份演出。《夜蒲3》導演錢國偉（Wilson）噚日凌晨喺微博鬧爆有人大搖大擺咁用電影註冊咗嘅名呃人，唔尊重版權，AD2就反指Wilson博宣傳，雨僑、張文慈等亦力撐。

AD2成員Aily自爆託爸爸問朋友借遊艇換取角色，可惜最後有人疑過橋抽板。

展開罵戰

Wilson噚日喺電話中直言有啲激氣，揚言電影已註冊，會發律師信追究，佢話：「佢哋好似玩，仲要話吹咩？𠵱家搶完人嘢仲要鬧人。」AD2成員Aily反擊話早前借用嘅遊艇係透過佢爸爸認識嘅朋友借出，有人承諾會畀佢演出一角，但最終冇兌現，Aily話：「我哋好落力幫佢哋借，點知最後一句話唔啱就冇得演，我都唔敢話畀daddy知，真係嬲到X街！」Amy就話：「我哋只係同搞活動嘅人講我哋係《喜愛夜蒲3》面試最出位𡃁模組合，都唔知佢哋咁樣宣傳。」

錢國偉（右圖）不滿AD2自認夜蒲女去深圳搵食。

Wilson認為有人想轉移視線，佢話：「我冇聯絡過任何船主，要演一個角色應靠自己，唔係要靠借船先攞到。」佢話當初唔揀AD2，係因為佢哋cheap：「見到張露暈圖（乳暈）唔知佢哋真係拍會點，激情唔同艷情呀！」
from:http://hk.apple.nextmedia ... 130924/18435087

巨乳組合AD2日前在內地酒吧騷的海報以《喜愛夜蒲3》女主角作招徠，引發導演錢國偉與AD2在微博罵戰，錢國偉更反被AD2指借二人作電影宣傳感到莫名奇妙。AD2澄清初時酒吧話會以《喜愛夜蒲3》面試最出位的女星，點知去到先知寫成女主角。而Aily更大爆早前父親的朋友借遊艇給《喜》拍攝，交換條件是取得該片的角色，但最後沒有選用，令她大感不滿。錢國偉透過電話表示：「有好多朋友借船畀我，有聽過話即管用一用佢（AD2），只係對方提議，以物易物咩？佢哋鍾意點宣傳就點宣傳，律師信就收硬。」

AD2經常晒肉博宣傳。
from:http://orientaldaily.on.c ... /00282_017.html