行事出位嘅二人女子組合AD2嘅Aily（吳婕妤）同Amy（艾美琦），近排有唔少搞作，推出本全裸但又唔露點嘅寫真，對呢個能人所不能嘅賣點都幾期待。早排仲喺銅鑼灣街頭，即席送戴緊嘅bra同底褲宣傳。靜咗幾日，AD2兩姊妹日前約埋一齊去葵芳嘅葵涌廣場行街，呢間商場賣嘅嘢都比較平民化。
AD2兩成員就算平日行街都着到孖公仔咁玩透視。出席活動時公開送內衣嘅AD2，試胸圍時都不拘小節。
賣性感的Amy（左）同Aily試鞋都香艷過人。
通街試胸圍
Aily同Amy雖然普通行街，但係打扮一啲都唔馬虎，着咗一式一樣嘅透視通花衫上身，下身就超短裙。去到呢個以師奶為主嘅商場，顯得有啲格格不入，不過吸引到唔少男士嘅目光。佢哋行咗去一檔賣平價胸圍嘅檔口，兩女攞住個賣廿幾卅蚊嘅胸圍，就咁幫對方套上身試，可能貪平買定幾個第時送畀男fans都冇咁肉赤。前後試咗十分鐘，AD2又轉移陣地去試鞋，咪以為試鞋冇睇頭，過程仲香艷過試bra。事緣佢哋坐低試鞋嘅時候，試到腿張開，企喺度試都因為條裙太短，Aily露出條波點內褲，Amy都唔輸蝕，一烏低身就露出佢條半透明內褲仔，搞到間鞋舖好似變咗賣內衣褲咁，最後佢哋試咗一輪都係冇幫襯走人。
from:
http://hk.apple.nextmedia ... 131115/18508366
