現年47歲的當紅監製錢國偉（Wilson）經常有女埋身，最近終於修心養性，準備明年迎娶傳緋聞傳足6年，前年才承認拍拖的「雜果賓治」女友陳宛蔚（Calinda）。據悉今年7月Wilson到美國做Big4登台騷，女友亦有隨行，Wilson趁機送上驚喜，在眾好友配合下送上鮮花及3卡戒指跪地求婚，Calinda喜極而泣答應。
不過Wilson最近忙到不可開交，拍住周星馳開戲，經常要中港兩地飛，還未有時間籌備婚禮事宜，連雙方家長都未正式見面，故兩人一直好低調，未有公開婚訊，只有鄭伊健、錢嘉樂、曾志偉等老友知道。
「佢錫小朋友」
其實Wilson想結婚早有跡可尋，8月尾Wilson才被影到與女友結伴看天晉IIIA示範單位。陳宛蔚最近出席活動亦不避嫌戴上求婚戒指，幸福滿瀉。記者昨日致電Calinda講恭喜，她狂笑說：「嚇？哈哈哈……遲啲先算啦！」婚禮是否籌備中？她說：「等佢返香港先，佢好忙，工作期排到明年中呀。」是否有結婚打算？她說：「一切隨緣啦！佢份人好好，工作有魄力，識尊重老人家，又錫小朋友。」而錢國偉昨接受電話訪問時，被問到是否與女友陳宛蔚結婚？他說：「唔係呀，出年先啦。」有傳已求婚？他就說：「求咗都可以擺7年㗎嘛，唔好寫咁大啦。」
錢國偉一向女人緣佳，最近決定修心養性娶陳宛蔚。資料圖片
吳奇隆和劉詩詩傳登記結婚。資料圖片
蘇永康12月擺酒
另外，台灣有消息傳出43歲「四爺」吳奇隆再婚，有網友指昨日在法院公證處撞見吳奇隆和吳媽媽，吳奇隆經理人表示吳奇隆今次返台，主要是為了肖像侵權官司，問是否「順便」與「若曦」劉詩詩辦結婚登記，她說：「我真的不清楚！」至於蘇永康（William）與拍拖8年的女友馮翠珊（Anita）的將於12月2日在洲際酒店擺40圍酒，並已邀請王菲、謝霆鋒，許志安、鄭秀文等賓客，前日DJ謝茜嘉在微博放上喜帖，請柬上有兩人英文名A和W字頭的結合圖案。
採訪：嵐山
蘇永康將娶馮翠珊，近日派帖。微博圖片
蘇永康、馮翠珊
資料圖片
from:
http://hk.apple.nextmedia.com/entertainment/art/20141031/18918127
