PSY錢國偉孖住搵銀

由韓國紅遍全球嘅騎馬舞大叔PSY（朴載相）大後日又嚟香港取景拍一個耳筒廣告，據知廣告商呢次搵咗同PSY似到十足十嘅「港版PSY」錢國偉（Wilson）參與廣告，錢國偉既導又演，港韓PSY嚟個crossover，諗起都爆笑。

錢國偉（左一）舊年同PSY曾喺澳門同台出騷，稍後兩人再合作拍廣告。韓國騎馬舞大叔PSY大後日旋風來港拍廣告。

嚟港取景

最近有韓國耳筒廣告商出七位數字酬金邀正版PSY代言，廣告商睇過「港版PSY」Wilson拍嘅《香港Style》MV，於是請埋Wilson客串，兼任導演，廣告會先由Wilson扮肥仔出場，但因為百無聊賴戴起耳筒聽歌，即刻生猛晒，變身騎馬舞大叔PSY。廣告會喺香港取景，唔排除PSY會去山頂同灣仔海旁呢啲景點騷舞技，PSY會爭取時間一日內拍完。Wilson同PSY其實舊年都試過喺澳門孖住出騷，兩人再合作，Wilson當然好期待，佢呢次又導又演，六位數字落袋，Wilson噚日喺電話話：「好開心大家又合作，上次澳門時間太短，今次先算真正合作，廣告入面我會客串一個角色。」問到Wilson有冇練定騎馬舞挑機？佢話：「我邊敢同佢比。」
from:http://hk.apple.nextmedia ... 130930/18443380

韓國男歌手Psy前日到河南表演期間high爆全場，大跳經典騎呢舞時，跳到要脫下外套，令腋下一片濕！今日Psy會在港和「港版Psy」錢國偉再次正面交鋒，合拍廣告。

Psy前日與同門韓國男團Epik High、女團2NE1以及四人女團Brown Eyed Girls和韓劇《擊夢擂台》女主角孫丹菲一同到河南開封市為開幕活動進行表演，Psy在台上盡顯王者風範，落力大跳招牌騎呢舞，最後high到脫下外套，露出腋下的大片汗濕；穿上透視裝的孫丹菲坐上舞蹈員大髀共跳辣身舞亦掀起全場高潮。不過，Epik High主音Tablo在Twitter上載身在內地急症室的照片，並留言說：「現在在中國的急診室，肩膀骨折，好痛！」雖然未知他是否在表演期間受傷，不過據工作人員透露Tablo將返韓接受身體檢查及治療。

錢國偉出私伙衫硬撼
Psy去年憑《江南Style》一曲紅遍天下，繼去年11月首次襲港後，他亦應耳筒品牌之邀再度來港，並於今日拍攝宣傳片。據知Psy昨日獲安排乘坐私人飛機抵港，今日將跟「孖生兄弟」錢國偉及早前自拍跳舞短片，應徵全球招募「Psy女郎」活動而勝出的「爆E超蓮」鍾采羲師妹關莉莎（Asa）齊拍廣告。

Asa昨日接受電話訪問時說：「同偶像演出真係開心到瞓唔着，希望到時攬住Psy合照同畀唱片佢簽！因為呢個廣告係全球播出，所以我仲苦練緊跳舞，唔好衰畀人睇。」至於錢國偉亦將執導兼客串，相信「真假Psy」一同演出也別有「一番風味」，錢國偉昨晚在電話中笑言沒有特別準備：「今次只係拍1、2個鏡頭，冇對白又唔使跳舞，最緊要都係同Psy夾吓啲衫，我都會出動私伙衫！」
from:http://orientaldaily.on.c ... /00282_025.html