娛樂圈近年興生仔，結咗婚嘅急住生，未婚嘅都可以生。早前媽咪姐喺養和醫院先後撞到陳茵媺同何超儀。咁女星出入養和，少不免會被傳入院做婦科檢查準備生B嘅。
嗰日先嚟一個何超儀，着住連身長裙嘅佢，身材豐滿咗唔少，行路亦有啲緩慢，十問九唔應，孕味有70%！之後陳茵媺單拖出現，佢着高腰連身短裙，驟眼睇，個肚真係有啲脹，仲着埋平底鞋，孕味有50%！問佢咩事去醫院又答唔出，咁好易惹人懷疑㗎喎。
其實何超儀同陳子聰結婚多年，都係時候生個孫俾賭王抱吓！至於陳茵媺，大家都好想睇吓你同陳豪嘅愛情結晶品係咩樣，肯定大把親子廣告拍，生完先結婚都ok㗎！不妨諗諗佢啦。
70%
50%
陳茵媺雖然話想專注事業先，但陳豪有車又有樓，唔快啲mark實生埋仔，「筍盤」隨時飛走！
