陳茵媺（Aimee）為新劇《情越海岸線》頻頻到長洲拍外景，天氣咁熱雖然做足防曬措施，但Aimee話仍然曬到背脊甩皮，FBI都戥佢辛苦。為咗消暑，Aimee最鍾意買雪條食，仲同姚子羚2份食添！
Aimee同姚子羚出海都着到咁密實，好彩2位笑容搭夠，上到船仲同喺岸上嘅FBI揮手添呀！
買咗枝孖條，Aimee同姚子羚分甘同味，一啲都唔獨食，抵佢咁好人緣。
楊明為咗拍呢套劇，曬到滿面雀斑，不過有傳無綫再次力捧，惟有叫煎Pang（陳展鵬）噴多啲太陽油撐住囉，不過埋位前喪煲煙呢個樣就要戒喇。
晒鋼條
一身肌肉嘅黃浩然，當然唔介意show吓quali，仲露埋紅色底底，引死班妹妹仔呀！
神獸女Kathy同另一女演員着住泳衣撩楊明煎Pang影相，仲同對方搭晒膊頭，小心未婚妻呷醋喎！
上週二，成班演員出海拍攝遊船河戲分，一班女星唔使着泳衣，好彩有黃浩然除衫露胸肌，36歲嘅佢身形真係fit到漏晒油，當然要騷吓quali啦！
