陳豪對選靚女要求性格好，談吐要得體，當然不忘身材。
無綫14位香港小姐昨日穿上自選服飾在尖沙嘴香格里拉酒店見評判，今屆評判團由陳豪、周慧敏、馬清偉、王守業夫人、王英偉太平紳士出任。陳豪先後跟冠軍級人馬廖碧兒及陳茵媺拍拖，對於揀選冠軍，他笑說：「性格好緊要，同埋談吐，因為佢係代表香港，咁身材都要有，最緊要係平均。」陳茵媺是不是擁有以上的冠軍條件？他尷尬地笑說：「OK o架！」
另一評判周慧敏則着重她們的心理質素，至於有指有候選佳麗整容，她說：「其實好難睇到佢係咪整容，我都唔會理，係要睇佢個人由內至外發出的吸引力，最緊要係做好自己。」
朱晨麗顯老氣
對於有報料指3號許亦妮打美容針，她否認說：「佢話我打邊度呀？」至於大熱門5號朱晨麗揀了一條寶藍色格仔連身裙，有點老氣橫秋，她說：「我揀來揀去，覺得呢條係我最鍾意，所以我決定着一條自己覺得鍾意又舒服自然嘅見評判。」對於大會司儀曾志偉睇好她有冠軍相，她說：「好多謝佢，希望到時我答問題會答得好少少，因為我怕自己廣東話唔好。」
採訪：楊潔雯
攝影：葉君海
from:
http://hk.apple.nextmedia ... art_id=15487989
