黎耀祥、古巨基、梁漢文和鄭欣宜等前晚到將軍澳電視廣播城，擔任《慈善星輝仁濟夜》表演嘉賓，由於缺少了五大唱片的歌手助陣，令祥仔即時孭重飛連唱三首歌，不過因為他不太熟歌詞，唱《地久天長》時甩嘴，他甫下台即說：「自己衰，冇時間練，入嘅位又唔清楚，自己唔係歌手出身就好大鑊。」
祥仔自言已日日在車上播歌練習，但最後都出事，他自嘲很失敗，更忿忿不平說：「我十幾年前學過唱歌，搞到家想學番，真係要痛定思痛，下次作出補救，總之今次真係蝕章。」
英皇歌手日前缺席港台頒獎禮，古巨基表示當日放假不在港，所以沒收聽頒獎禮。有傳他不滿去年的樂壇成績而與英皇鬧翻，他說：「我對頒獎禮唔係好特別關心，攞獎都係為幕後功臣攞，總之一定有唔攞嘅一日。」
from:
http://hk.apple.nextmedia ... art_id=14851769
