黎耀祥近期人紅自然工作多，忙到連今日平安夜都要開工，不過也可以一家人吃飯慶祝。祥仔今年冧莊視帝，大把本錢再生仔女，但祥仔卻說已經放棄，他說：「追過嘞，生唔到，隨緣啦！」
黎耀祥昨日與太太Julia到迪士尼出席單親媽媽聖誕活動，在現場大派聖誕禮物給小朋友，又影合照，場面熱鬧，祥仔出場時，現場小朋友也大叫他「醒哥」。
祥仔最近經常與太太出席活動，問他會否感困身？他笑說：「冇乜所謂，最緊要場合啱，我唔介意。」問祥仔平日與太太出席活動會否收更貴？他說：「今日我係義工，但平時都唔會收兩份錢，太太唔算係藝人，大家咁支持，都唔好吓吓講錢。」祥仔表示今日平安夜有工作在身，但晚上也能一家人吃飯。
今年冧莊視帝又密密搵銀，祥仔定必豬籠入水，問他有否計劃再生小孩？他坦白說：「追過嘞，生唔到，隨緣啦，都唔係好強求，個仔都咁大嘞。」祥仔說兒子五、六歲時曾想生多個，但兒子現已十多歲，祥仔指已放棄再生育。
問祥仔讀中一的兒子有否拍拖？他說：「未知喎，自由發展啦，我都唔想干涉太多，家吓吓講私隱。盡量專心讀書啦，最緊要唔好學壞。」祥仔又笑說：「個仔有自己朋友，都唔想有弟妹，佢都唔陪我哋兩個老嘢啦。」
提到吳國敬最近涉嫌持刀恐嚇鄰居被捕，祥仔說：「爭拗吓，冇嘢嘅，小問題，只係因為公眾人物做大啲啫。大家都會同鄰居嘈交，香港地小人多難免會躁啲。」祥仔稱十多年前曾與吳國敬合作過電視電影，雖沒聯絡，但近年見面也會打招呼。
from:
http://hk.apple.nextmedia ... art_id=14799006
