憑《義海豪情》冧莊成為視帝的黎耀祥近期曝光率超高，前晚他到灣仔出席慈善活動，昨日又馬不停蹄到炮台山領取雜誌所頒發的獎項。祥仔前晚笑言今個月參與很多慈善活動，他說：「反而有錢收嘅工作唔多，生意淡薄，不過做義工有少少車馬費調節吓都OK，其實有冇錢都冇所謂，當回饋社會。」祥仔直認今年收入比去年差，所以仍未夠彈藥買樓。
對於四大唱片公司和無綫的版稅糾紛有望解決，祥仔大讚是好事，因為連他之前也要上《勁歌》獻唱，他說：「因為冇乜歌手上去，自己忠肝義膽，唔好意思唔上，娛樂大家都OK。」此外，戴上80萬鑽飾的陳嘉桓透露明年1月1日會與樊少皇等人參加「香港龍獅節」，到時他們一眾人會舞動1,111隻醒獅，更望打破健力士紀錄。
from:
http://hk.apple.nextmedia ... art_id=14787333
