黎耀祥昨到曼聯餐廳出席「童真同樂頌聖誕」慈善活動，與一班小朋友大玩遊戲，祥仔太太全程陪伴左右，對於有雜誌指祥仔太太現任其經理人及助手，目的是為24小時實老公，祥仔說：「佢係做咗我經理人，因為我工作忙，佢幫我處理，所有佣都畀晒佢。」
問祥仔太太是否為實他？他說：「佢係24小時幫我手，我點都飛唔出佢手指罅，幾十歲人都未見過飛來蜢，冇乜人對我有興趣。」
祥仔又指自己不愛蒲只愛吃住家飯，而且之前與鄧萃雯的緋聞絕非事實：「老婆都知啲緋聞流到不得了。」
from:
http://hk.apple.nextmedia ... art_id=14783294
