曾參演劇集《同事三分親》的無綫新女梁政珏，最近被爆戀上澳門特首何厚鏵的姪兒何敬謙，更被拍到與一男子在沙灘玩推油。袁彌明日前指梁政珏放料讓記者偷拍，但沙灘男卻是A貨何敬謙，並力斥梁為爭曝光行為下賤。
梁政珏昨日穿上低胸裝拍戲，賣大包搶鏡。
無綫小花梁政珏早前被爆與澳門特首何厚鏵的姪兒何敬謙過從甚密，不過大前日袁彌明卻在網上節目《大娛樂家》踢爆梁政珏用A貨男友假扮何敬謙，在沙灘推油，放料給記者拍照。一向敢言的袁彌明冇有怕，她指梁政珏與何敬謙拍拖玩煮飯仔是放料讓記者拍照，其後梁又帶同另一男伴在沙灘推油，袁彌明在節目狂插說：「TVB有一個唔係好出名嘅演員梁政珏，佢約咗個有錢男仔出嚟食飯，被狗仔隊影咗，之後佢又約咗另一個身形差唔多嘅男士戴黑超去沙灘，又俾記者影到，雜誌標題話冧有米男仔，但去沙灘同食飯係唔同人。」
「Kama都係呢啲人」放大圖片
袁彌明不值男性友人何敬謙被出賣，狂轟梁政珏為見報不擇手段。 資料圖片
袁彌明續說：「原來啲新人好博，我唔知係犀利定賤，我嗰個男仔朋友俾人起晒底，呢個係出賣世界。呢啲事做一次你就玩完，有錢人嘅圈子好細，一次俾人覺得你放料，你就玩完，等搵大陸佬啦，個朵衰晒就玩完。」袁彌明不但寸爆梁政珏，還翻舊賬踩宿敵葉翠翠和是非精羅凱珊（Kama），她說：「約人食飯又約人影，呢啲行為好可恥，翠翠、Kama都係呢啲人。」袁彌明昨日接受電話訪問時繼續鬧：「個男仔（何敬謙）好低調，試問邊個鍾意見報俾人笑，佢哋唔係拍拖。」
梁政珏昨日在黃埔拍攝王晶新片《美麗密令》，她避談與何敬謙的緋聞，卻直認在沙灘替她推油的是胞弟，她說：「我同細佬好close，會錫面拖手。」對於袁彌明的言論，她說：「可能呢個係佢style，佢鍾唔鍾意我，我唔知，但無啦啦攞呢啲做話題好奇怪。」
