大台過氣「咪神」梁政珏，兩年前嫁俾有米商人何思源，生埋囝囝Johnson，「封咪」做賢妻良母。早前《壹》仔喺銅鑼灣利苑見到佢同老公、阿仔家庭樂。
一家三口走入童裝「Ferrari」，阿仔真識貨，即刻跳上價值$3,215嘅小童版「La Ferrari 12V」電動跑車，擺晒post俾媽咪影相。阿媽嗌極唔肯走，兩公婆先出軟功，走出鋪頭扮同阿仔say bye，點知Johnson睬你都傻繼續玩！最後梁政珏惟有夾硬抱走阿仔。臨走前，梁政珏人有三急，去完廁所，又抱起阿仔狂錫面珠，好肉緊！
梁政珏對住囝囝分外hyper，又呵又啜，難為在旁的老公全程被兩母子冷落。
Johnson對三千幾蚊嘅電動跑車愛不釋手，連爸媽揮手扮走都無動於衷。
昔日梁政珏有樣有身材，索！
撰文：八珍
攝影、攝錄：蕭敬漁、森美、李溢敏
要仔唔要公梁政珏冧啜寶貝仔
