梁政珏大話咪神有無綫新一代咪神之稱嘅梁政珏，得公司俾機會，啱啱播完嘅《仁心解碼Ⅱ》以及重頭劇《衝上雲霄Ⅱ》都有份拍，自知隨時有機上位，梁政珏順勢公開單身宣言，話自己冇拍拖接近一年專心工作，又講希望遇到成熟型男士發展穩定感情喎。
有圖有真相，《壹》仔唔只一次撞到梁政珏同一位成熟男拍拖行ifc，雖然冇拖實手仔，但去到比較人少嘅位置，成熟男都會忍唔住向胸有34C嘅梁政珏進行肌膚接觸，絕對唔似普通朋友囉！
拍拖要低調，不過梁政珏shopping目標全部走高檔貨，VALENTINO、BV、BURBERRY，唔貴唔望唔買，一有目標，第一時間俾成熟男過目，再扭計要買。高度考驗對方定力同荷包購買力。
四眼成熟男見冇乜人，開始同梁政珏捉手仔又攬埋身，女方冇反抗，仲笑到好鬼冧！
另一日，兩個拍拖行完連卡佛再殺落去Salvatore Ferragamo，梁政珏出動可憐眼神扭要買手袋，成熟男唔肯，梁政珏當堂皺晒眉！
