昨日陳文媛的新店開幕，令幾對緋聞不和寃家聚首一堂，當中有曾傳斷背緋聞的何韻詩和傅穎，而近日老公陳奕迅被傳與謝安琪（Kay）搞婚外情的徐濠縈亦與被指是爆料者的何韻詩同場，不過徐濠縈和何韻詩就表現老友，在場有傾有講。
對於有傳Kay日前在賑災騷上因被禁與Eason同台而落淚，徐濠縈說：「係唔係真？我覺得單嘢假到無可再假，唔知點回應，件事好離譜，我同Kay唔熟，亦冇因此影響夫妻感情，因為從來都冇同Eason講過呢單嘢，話阿詩爆料就更加冇可能，大家係好朋友，我同佢仲日日聯絡，唔知邊個作出嚟。」此外，穿上吊帶背心襯長褲的傅穎就坦言雖然與BoBo已很久沒見面，但亦專程置裝出席其新店開幕。
何韻詩被指是金手指篤爆陳奕迅和謝安琪的緋聞，但昨日她與徐濠縈（右）卻表現得十分老友。
