謝天華與吳鎮宇及陳法拉等主演的電影《Laughing Gor之變節》將於下周四上映，拍攝過程本來一直順利，惟天華、鎮宇及李思捷拍攝一場爆樽戲份時竟弄假成真，天華耳背慘被糖膠玻璃碎片割傷，血流如注，要到醫院縫了兩針。
李思捷拿起紅酒扑向謝天華的頭，結果弄假成真令他耳背受傷。
天華日前接受訪問時說：「場戲講我俾鎮宇紮喺張凳度，思捷爆我樽。雖然係糖膠玻璃，但係啲碎片傷咗我耳背。因為場戲本身有道具血漿，所以工作人員都唔知，到佢哋幫我冲洗時至發現我耳背啲血係咁流。」為免影響拍攝進度，天華忍痛完成戲份後才到醫院縫針，他說：「個樽扑落嚟，我已經知有事，爆完隻耳即刻耳鳴、麻痹，不過我唔想停機再嚟，所以頂硬上。」
