唐素琪（Chelsea）入行年餘，所屬公司金牌大風決定為她推出首張個人EP，早前她在灣仔伊館門外拍攝首個MV《星火》，師兄側田除作曲及合唱外，更擔任MV男主角。
Chelsea高興地說：「好多謝佢，側田唔只幫我作曲同做MV嘅主角，仲叫埋10個自己fans幫手客串做番fans。」她表示側田在MV演歌手，自己則默默做對方背後的女人。她表示現實中絕不介意公開戀情，她說：「我不嬲都愛情大過天，家庭之外就係愛情。不過如果我真係拍拖我都會問公司意見，睇佢同唔同意公開或者低調囉，同埋問身邊藝人朋友睇佢哋點做嚟參考。」
